Fabó András: A magyar- és erdélyországi mind a két vallású evangelikusok okmánytára (Pest, 1869)
Okmányok
210 131. Komâri Péfor folyamodványa Pathai Istvánhoz: Földvár, fahr. 28. 1620.. (Recursus Petri Romár i ad Stephanum Pathai; 28. februarii 1620..) Ut hic novus annus laetis auspiciis ineat, laetioribus procedat, laetissimis exeat ac semper laetus recurrat, precor, meaque servitia commendo. Quam afflictissimus et calamitosissimus ac dolore plenus homo ego sim, atque egestate oppressus, vel ipsa saxa ad commiserationem, si sentirent, moverentur. Ab annis enim 8. vexor fici morbi (seggen való srtly) molestia, qui nunc rursus recruduit et vires corporis in tantum ademit, ut vel domo vix egrediar, unde $ mei auditores me non multum curant, licet vocis nullus sit defectus, quin illis inservire non valerem. Quare coactus sum ecclesias vicinas et earum pastores requirere per supplices libellos, qui ad mei sustentationem miserunt eleemosynam, sacrificium bonae fragrantiae, deo acceptam oblationem et mihi gratissimum subsidium. Quapropter et tuam rev. dominationem rogo atque etiam rogo, ut considerans meam calamitatem et penuriam, misericordia afficiatur erga me et adhortetur suos auditores vere Christianos, ut aliquam collationem faciant et mihi tua rev. dominatio mittat; pro qua Christus iu illo die redditurus est mercedem copiosissimam, et in hac vita centupliciter benedicturus et remuneraturus est fideles. Matth. 10, 26Î, Luc. 14, 13=44., 2. Cor. 9, 9., Esa. 5&fr—9.. Ego- met venirem ad ecclesias et amicos ac notos"^ visitarem pios ministros, sed non suppetunt vires et deest facultas. Nec hactenus tam diu hic mansissem, sed coactus sum propter morbum. Audiveram, quod tua rev. dominatio profecta fuerat ad principem; quomodo sese gerat et qualis sit, qua humanitate vestram rev. dominationem acceperit, perscribat et notum mihi faciat, quaeso, paucis. Valere tuam rev. dominationem quam felicissime ad annos plurimos una cum suis charissimis ex corde sincero cupio. Dat. Földvárii pridie cal. mart, supra sesqui millesimum centesimo vigesimo tuae rev. dominationis obsequiosissimus Petrus Cziapi de Kis Komár, afflictissimus homo in mundo. Külczím: Reverendo domino Stephano Pathai, optima doctrina
