Fabó András: A magyar- és erdélyországi mind a két vallású evangelikusok okmánytára (Pest, 1869)
Okmányok
184 neglexerit, nisi legitimam a seniore habuerit excusationem, mul- ctetur fl. 2.. 11. ) Ne quis falcem mittat in alienam messem sub mulcta fl. 2.. 12. ) Nemo alter alterum dolo supplantet aut fraude nec arte simoniaca se in parochiam intrudat vel reditus parochiae imminuat. Si quis talis deprehensus fuerit, mulctabitur in fl. 12. et insuper ex consistorio fraternitatis excommunicabitur. 13. ) Copulae bis aut ter proclamentur publice in ecclesia fiant- que non nocturno tempore, sed ante occasum solis. 14. ) Puerpera nisi tribus aut quatuor hebdomadibus elapsis introducatur idque non ad fores templi, sed ad aram. Mortua vero puerpera, ne alia in persona ejus introducatnr, sed sepeliatur ut aliud corpus. 15. ) Infantes, qui in utero materno aut in ipso partu moriuntur, ne alibi, quam in coemeterio sepeliantur. Nam deus etiam talium deus est et eos ad vitam aeternam resuscitabit' 4. Esdrae cap. 6.. 16. ) Transgressores legum, si mulctam deponere contumacia aliqua noluerint, egredietur senior cum uno et altero fratre in faciem loci, ubi idem victitat et arestabit inobedientis reditus ecclesiasticos omnes, quoad usque ad obedientiam flecti idem noluerit et ablata clave in templum non intromittatur. 17. ) Arcana consilia fratrum, scripta et literas superintendentis vel senioris si quis adversariis revelaverit aut clam descriptas communicaverit, ut proditor mulctetur in fl. 12. et ut Judas excommunicetur. 18. ) Etiam legitimam excusationem suae absentiae a congregatione fratrum generali habens, mittat pro tabula d. 20.. 19. Persona ecclesiastica quaestum seu usuram non quaerat cum incommodo proximi. Hoc etiam modo scandalisatur ecclesia; pro ratione autem peccati mulctabitur juxta meritum. Rectores scholarum si putant se injuriam aliquam pati a suo domino pastore, non ad patronos aut judices, sed ad suos superiores, superattendentes, seniores et fraternitatem confugiant et inde judicium et justitiam requirant; nam et ipsi, tanquam membra ecclesiae, ad jus spirituale pertinent etc.. Qui autem secus fecerint et, spreto jure spirituali, ad seculare confugerint, beneficio priventur, ne animi dominorum patronorum contra pastores exacerbentur e* ministerium ac superiores contemnantur.
