Fabó András: A magyar- és erdélyországi mind a két vallású evangelikusok okmánytára (Pest, 1869)
Okmányok
179 105. Pathai István levele Kanizsai Pálfi Jánoshoz; Veszprém, jubilate vasárnap, 1617.. (Epistola Stephani Pathai ad Joannem Pálfi Canisaeum; dominica jubilate 1617..) Pathainus charissimo suo Paulidi S. P. D. Boldaeus ille tuus mihi non satis notus, de quo scribis, ad me non venit; apud felsö- örsienses audio illum fuisse, non arbitror illic quoque palum figere posse, Baccho spem ipsius retundente. Quis, quaeso, potest mederi intemperantiae ? Hippocrates certe non, at bene lictor. Ubiquitarii sive veniant, sive non, nos deesse nobis ipsis non debemus, nec possumus ; obviam hosti eundum cum apparatu; deus protector noster ipse patrocinabitur causae nostrae, imo suae; expalluit hostis, tremet pectus, langvent ipsius brachia, concidit spes victoriae: eriget deus cornu gloriae suae cum calumniantium confusione. Metuo, ne mihi solutionis tempore hinc solvendum sit, magno meo damno; nec famulum adhuc habeo, qui jumenta agat; sed omnia deo committo, qui promovendae suae gloriae vias novit et me hac solicitudine clementer et cum fructu liberabit. Statum tuum, fili carissime, certe ut decet deploro et tuas literas udis lectito oculis. Compatior tibi, fili mi, ad lacrymas usque: durum tuae juventutis exercitium, argumentum divinae providentiae et charitatis. Dominus pulsat fores tuae patientiae, tu fortis usque sustine, fidelis est dominus, qui non sinet vires tuas succumbere tentationi. De tua febri, qu$e qualis sit,tertiana vel quartana, non scribis, consulere tibi nequeo. Unum tamen observandum studiose jubeo, ut a cibis et potibus calidis, actu vel potentia, cum ratione abstineas; verendum nimium, < ne in hecticae vel quartanae incidas insidiasf Ego, laudetur meus protector deus, valeo, ut mei temporis fert ratio; conservet te etiam suaeque ecclesiae deus salvum diutissime, donet mihi te salvum videre, precor ex animo. 'Valetudinem tuam cura diligenter. Datum Yeszprémii dominica jubilate an. 1617. tuus sine dolo Stephanus Pathainus. Kiilczim: Eximio Jesu salvatoris servo, verae pietatis zelo et sanae eruditionis laude ornatissimo instructissimoque viro, domino Joanni Paulidi Canisaeo, ecclesiae papensis ministro etc.. (Másolatból. Acta religionaria protestantium in Hungária tom. III. a nemzeti múzeumban.)
