Szent Benedek-rendi katolikus gimnázium, Esztergom, 1887

Movetur arcti stricta gelu plaga, Moventur austri regna tepentia, Gentes et omnes insularum In gremio pelagi repostae. Tellus résultat plausibus aemulis, Purisque fundit iubila cordibus, Sanctissimo Patri Leoni Munera fert pia Jubilanti. — Fasti renarrent cetera, nil moror, Mandanda fidis postea literis. Praescripta nobis nunc reccurrunt. Quae dederit iuvenum catervae. Huic vultus alti proditor ingeni, Divaeque plenus Palladis ignibus, Virtute fulgent ora, nostri Nobile pectus amore flagrat. Favore caeli contigerant Ei Mefttis profundae munera splendida, Et frons corusco cincta nimbo Ante alios veneranda lucet. Hae luce tuti tendimus ad scopum. Nec fraudulentae vox sapientiae Cursus ad obliquos trahet nos, Tramite nec revocabit aequo. Musarum alumni, Pieridum chori I Leges salubres mentibus insitas Servate castis, proeliantes Proelia Justitiae severae. — Imis medullis, Christiadum greges Congratulamur, Sancte Pater, Tibi, Quem iure Summum posterornm Pontiftcem celebrabit aetas.