Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. 3. Remete Remete Capella S(ancto) Ladislao dicata, ad Püsky filialis. Locus aliquando religiosissimus, nunc desertissimus. Solos parietes, hoc est rudera videre est. Referebant sylvam ab Hedervarys772 occupatam huic Sacello propriam esse, hodieque Kápolna Erdeje vocitari. Solvebant Parocho Püskiensi, et post Praedicanti Hedervariensi a quavis domo den. 40. et medium modium frumenti. Praesente tempore non habeat cui solvant. Ludimagistro cedebat quadrans modij et den. 10. Mores feros immanémque naturam ac obstinatam haeresim horum incolarum exprimere satis nequeo. In ipsa Visitatione in ipsa Capella, sciscitanti mihi: que eorum religionis conditio quis status esset, quis animarum pastor? Judex barbarus, Adamus Ferencz mox respondit: populum veram Lutheranam fidem sequi: hactenus huiusmodi Ecclesiasten hisce locis praefuisse: quo pulso, nunc Sacerdotem adscitum: verum nobis tali, inquit, idolatra (balvanyozo) opus haud est. Quo circa repressi nefariam hominis vocem, et mox Sacello excedere iussi, asseverans non idoli, sed praepotentis Dei nos Sacerdotesque nostros cultures esse. Est hic scelestus Emerici Czobor,773 774 a vera itidem religione alieni, colonus, qui hunc et circumiacentes pagos, aequali cum Hedervario iure obtinet. Questus ego gravissime cesum et per literas, et coram de prolato ferociter et publice maledicto, sed nullo penitus fructu. Domus in Remete 20. circiter, animae omnino 100. Lutherani, peiores Calvinis- tis. Nihil minus quam de Cathedratico solvendo cogitarunt, nec hospitatus sum apud eos, sed ingruente, licet coeca nocte perrexi. 4. Lipoltfalva Lipoltfalva Tandem ad postremam Districtus ac Jurisdictionis nostrae Ecclesiam divo Clementi Martyri et Pontifici sacram divina clementia appullimus, desertam illam quidem, ac vel hoc nomine beatam ac ter felicem, quod ea verae religionis hostis, ac pestis animarum Lutheránus circulator, praestantissimi iuvenis Hedervary773 virtute atque constantia, excedere debuerit. Nec tamen vasta ac deserta ita est, ut quaedam non nullae, sed tecto constat, et Sanctuarium fornice, reliqua pars tabulato, hoc tamen, ut prius, non nihil diuturnitate temporis labefactatum est. Altare maius caret icone. Lapis Baptismalis loco motus. Coemeterium muro cinctum, ubi is decidit, sepibus. Praeter Campanam in turri campanili collocata nihil videre est. 772 Vö. 177. jegyzet 773 Czobor Imre, vő. NAGY III. 206-7. 774 Vö. 177. jegyzet 294
