Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VI. Archidiaconatus Posoniensis

VI. ARCHIDIACONATUS POSONIENSIS

34. Eberhard

Eberhard

Fabrica ex omni parte quondam Nobilissima, uti demonstrat Sanctuarium, nam reliquum in Danubium pridem corruit. Sfancti] Petri Apostoli dicata. Monasterium aliqui fuisse dictitant. Pars coemeterij et ipsa collapsa est, pars extat, erat enim spatium amplissimum. Campanae binae aliquando in sublimi locatae turri, time e lignis quernis demisse pendent. Calicem cum patena conservat, apud Pseudo Ecclesiasten de Fél.

Qui praedicans quarta Dominica concionem instituit, flor. 7. a communi, et a privatis certos foeni cumulos reportat. Olim Parochia propria extitit, hodie etiam horti, vulgo Pap kerte, meminerunt. Ludimagistro Félensi flor. 3. solvunt. Domus 16. animae cum arcensibus prope 100. Omnes Calvinistae, suo- rummet dogmatum imperiti. De Cathedratico, questionem hoc loci ne instituas: putabunt te ea solum de causa, ut censum exigas, advenisse.

35. Káposztás Pruk

Kaposztaspruk

Tandem claudimus Ecclesiarum, in Insula seriem templo Prukensi. Deo in honorem S[ancto] Thomae Apostolico dicato consecratoque: quod multis (proh dolor) temporibus iugum fert impiorum, a perfidis nimirum Lutheranis occupatum, pertinaciter retinetur. Mappa contectum altare: duobus in eo ori- chalceis candelabris candelae cereae imponuntur. Super lapidem antiquum baptiszmalem(!) impertitur baptismus. Tabulatum alicubi vicium fecit. Sac- ristia vacua. Coemeterium muro quidem cinctum, ac portis munitum minime. Duae sunt templo domus, habitator in una flor. 4. in altera 2. quotannis pensitat. Nec deest calix cum patena et nola in turrij.

Aedes Parochiales male materiatae et ruinosae: tria iugera et hortum pomiferum tenere. In ejs Praedicans annis 16. moratur patria Anspacensis, claudus, ac ut coniuecturare licet bibulus ac proinde oculis fere captus. Stipendium quolibet trimestri flor. 11 ac 14. integro anno modij frumenti, ei persolvitur. Lavacri baptismatis et aliorum munerum, nec non Scholae modo erectae, eadem ratio quae in Miserd.

Natione Germani Prukenses omnes. Secta Lutherani. Dominatui Sfancto] Geor- giano et Eberhardiano mancipati: sicut et Misserdenses quorum in vicina degunt, ita ut duobus his locis unus Parochus Catholicus, pulsis nullo negotio Praedicantibus facile praeesse possit. Domos Pruk complectitur 50. non multo secus et ad 300. animas. In solvendo censu, qui a Cathedra nomen sumpsit non fuere difficiles, nam et metuunt templo (quanquam a quo metuant habeant neminem) et illum suorum exemplo seniorum, repraesentandum esse non ambigunt.

291