Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VI. Archidiaconatus Posoniensis

STRIGONIUM ANTIQUUM 3.

sed et nova luna singulis diebus Veneris frequentantur. Appellatum etiam re- perio S[ancti] Marci nomine: causa latet. Circa aram maiorem cuius vetus et sat eximia tabula sculpta pictaque insidet, tantum terrae religionis causa suffoditur et aufertur ut aliquando altare declinare cogeretur, nisi foveae rursus replerentur. Sacra hostia non asservatur. Lapis baptismalis vacuus et salutari unda, et liquoribus. Sacristia supellectilem non continet ne quem clepere contingat, uti quadam vice accidit. Itaque in proximo pago apud aedituum 5. planetas sive casulas perlustravi sat pulchras: stolas duas cum manipulis. Albas itidem duas humerale imum. Calicem inauratum cuius pes cupreus, cupa argentea: alium omnino cupreum: patenas aereas binas, altare nullius usui. Ciborium orichalceum. Corporale et purificatorium mundum. Mappae, vela, strophiola non deficiunt: caetera Vaika concedit. In turri duae veteres campanae. Muro coemeterium cinctum. Cernere hic aliquando fuit et pagum et Parochiam et Parochum peculiarem. Hodie templum et nudam domum tantum. Igitur Vaikaiensis Parochus vices suplet et agrum distinctum 12. iu- gerum in Sz[ent] Geörgy Uriano territorio: in Boch falvensi iugera 2. in Ke- szőlcziensi quoque 2. tenet. Quod reliquum est in Vaika attigimus. Numerantur in Bochfalva domus 18. animae 80. in Keszőlczes aedes 10. animae 50. in Doborgasz 40. casae homines 200. In Sz[ent]GeörgyUr solitudo. Primus pagus duos fert haereticos, alter unum postremus 3. Census Cathedrae prima tantum Visitatione exhibitus.

22. Sül

Sül

Ingens vastitas, tectum templo prorsus nullum: fornix in medio corruit, altare eversum. Solus chorus lapide constructus et parietes extant. SJanctae] Annae dicata Ecclesia, filialis ad Szfent] GeögyUr integro milliari, a quisque stagnantibus dissita, Bar propinquissima eo applicari expetitur uti diximus. Et sane cum Vaikaiensis Parochus 3. Parochias administret, carere Sül potest is enim rarissime huc, iste illuc nunquam commeant. Sola campanula conspicitur, Parocho quivis den. 10. et medium frumenti modium confert. Plures Nobiles pagum possident, non nulli inter eos haeretici. Minantur Praedicantem se introducturos quod malum vicini Barenses facilius averterent, si Ecclesia filialis eorum foret.

Stabit id in arbitrio Eminentissimi Cardinalis. Religionem Orthodoxam servant, ad quam sum eos magis ac magis cohortatus, tres tamen haereseos labe inquinati persistunt. Domus 20. animae cum Nobilibus qui hic degere solent 125. Cathedraticum non obtinui.

282