Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VI. Archidiaconatus Posoniensis

STRIGONIUM ANTIQUUM 3.

cit. Annuum iám aetatis quinquagesimum assequitur. Schola Catholica et tecto et discipulis, et magistro orba, cui olim quivis den. 5. et frumenti quartam partem cubuli subministrabat. Nunc Calvinianus Magister flor. 15. to- tidemque modios frumenti percipit, domo exutus. Constare debet ex 18 pagis Parochia, Szerdahely locus celebris, Nobiles et ignobiles complectitur, fundus e Stephani Palfi736 737 arcis S[ancti] Georgij, domus omnino 20. animae 150. Uy- falu domus 13. animae 60. Németszegh domus 8. animae 40. Nagy Abany domus 25. animae 120. Hodos 20. casae 100 personae. Sik Abany 16. casae, 70 personae. Chotfalva unicus Nobilis in habitat sextusmet: duae casae derelictae. Nagy Udvarnok 12 aedes, personae 50. Enyed 2. aedes, personae 10. Balasfalva 6. aedes, homines 25. Albar 10. aedes, homines 90. Hoszszu Ete domus 4. animae 18. Hegy totidem domus animaeque. Benefalva medietas et aedium et personarum. Chenkezfalva domus 6. animae 25. Bodafalva domus 5. animae 20. Hi omnes Nobiles cuiusmodi in Varkony depinximus. Inquilini alicubi perpauci mixti. Rény rustici Monialium numero 6. animae 25. Tőkés Nobilium coloni domus 10. animae 80. Numerus domorum 170. animarum 916. Catholici nominis circiter 20 ex omnibus, haud tamen cuncta cum familia. Aegre admodum haeretici comparuere, nullum prorsus sibi mecum intercedere negocium(!) clamitantes: tandem victi importunitate mea adfuerunt, Praedicante domesticos parietes (conducta a Nobili quopiam domus est) haud haud egresso. Longe difficiliores expertus sum in censu Cathedrae persolvendo, nec dedissent teruncium, nisi spe Capellae potiundae ducti fuissent quam quam nullam ego illis spem inieceram. Hospitalitas adhuc deerat, eam exhibuit Stephanus Kürty Magister Prothonotarius Personalis ut vocant praesentiae, hic commorans. Acta sunt haec ab hinc triennium: praesertim autunno Visiationem rursus peregi, cunctaque priorem malum stratum, et in super peiorem tenere reperi, nam nec haereticorum ullus comparuit, nec quicquam emendatum, imo nec census, nec cibus a quoquam est exhibitus.

15. Egyhazaskarcha

Egyhazaskarcha

Vix erat operae precium(!), huc per tot aquarum difficultates iter facere, nihil enim praeter vastitatem rerumque divinarum ac salutis propriae incuriam reperi. Templum S[ancto] Bartholomeo Apostolico pridem consecratum, in solitudinem abit, quo die et in conversione S[ancti] Pauli Apostolid Dedicationem agere solebant. Intus praeter altare, quod exiguam tabulam sustinet, nihil nisi sordes. Chorus ex muro ruere incipit: ossuarium in Coe- meterio iam corruit. Sepulchrum familiae Somogianae imperfectum, plus deturpat quam exornat afflictam Ecclesiam. Coemeterium muro quidem circumdatum, at sine foribus. Campanas duas nemo est qui pulset. Supellex

736 Vő. 235. jegyzet

737 Somogy család, vö. NAGY X. 286.

276