Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
VI. ARCHIDIACONATUS POSONIENSIS 18. Maitin Maitin Singulari contumacia iuvenis Szegedj, cuius in Szavar meminimus, hinc solum vertere debui, adderat ipse praesens: egi satis, casso labore. Verba dabat, insuper abeuntem irrisit. Dicitur supellex aliqua extare. Praedicanti ut audio duae metretae a singulis et pecunia certa solvitur. Schola vilis. Est Maiten fundus Sentaviensi Szegedio impignoratus, domus 40. 200 Animae. Apaj sedes Nobilium, aedes 20. animae 100. Gest villa Monialium, huius Parochiae iuribus subiacet, ubi Capella Sfantae] Catharinae Cathedratico obnoxia, aliquando visebatur. Nunc vile duntaxat coemeterium, et domus 20. animas 80. cernis. Haeretici in cunctis locis, paucis, qui se Catholicos nominant exceptis. Ungari natione et Sclavi promiscue: quo circa Praedicans utroque idiomate populo verba vendit. 19. Szent Abraham Szent abraham Parva sed pulcherrima quondam S[ancti] Patriarchae aedes, ducente exercitum Buquoio,712 a Germanis igne exusta desertam se luget; Dedicationis, Dominica post festum S [ancti] Michaelis meminerunt. Altaria fuere pulchro ordine structa. Tabernaculum quondam insigne Lapis baptismalis et alia ornamenta. Coemeterium muro cinctum, cunctis pervium. Comparatus est postea calix cum patena, argenteus inauratus et campana, ex fructu agri Ecclesiae (qui in 7. minuta frusta divisus est) et prati perparvi. Haec minime sunt consecrata. Molendinum Doctoris Martini 2. mutones frumenti pro censu annuo, templo, ut dicunt, et debet et solvit, cuius hoc pacto in auratio speranda. Antea et Parochiae et Scholae domus, atque adeo Parochialis Ecclesia fuit: his temporibus aliquando a Maiteniensibus, iám a Nagy Machedensi Praedicante regitur, cui solvunt universa prout in Nagy Mached: isque singulis Dominicis, in utroque loco, qua ante, qua post meridiem eos pro concione alloquitur. Sedecimam a paucissimis annis denegari querebantur. Domus non omnino 40. nec animae 200. Catholici 3. Lutherani reliqui. Viri opinione mea humaniores. Etiam Cathedraticum censum prompto animo exhibuerunt. 20. Dioszeg Dioszeg Foris in agro, aequali inter pagos inervallo, erecta olim fuit nobilis S[anctae] Margaritae Virginis et Martyris Ecclesia: deinde diuturnitate temporis, ac Pa712 Buquoy, de Longueval Károly császári vezér Érsekújvárnál halt meg 1621-ben. Vö. PALLAS III. 830. 261
