Memoria Basilicae Strigoniensis anno 1856. die 31. augusti (1856)
Coronam Hungáriáé ambienti adhaesit, aliis causam WenceslaiBohemi, hoc recedente, Ottonis Bavari res curantibus. Idcirco Michaël haud exiguis a Bohemis affectus est iniuriis. Bohemi Strigonium vastarunt, et Tabularium Ecclesiae Strigoniensis barbare diripuerunt.1) „Wenceslaus Bohemiae Rex, (Pater iuvenis Wenceslai) intravit Regnum Hungáriáé et in portu Kakath (hodie Párkány) nefandissima castra fixit, ut praedictum filium suum violenter in Regem Hungáriáé faceret coronari. Ubi transiens Danubium fugato Venerabili Fratre Michaele Archi-Episcopo, bonae memoriae, de castro et de Ecclesia Strigoniensi, confractis portis castri et foribus B. Adalberti destructis, intravit Cameram, sive Sacristiam ipsius Ecclesiae cum magna multitudine nefandorum ; in qua quidem Camera thesaurum depositum, vasa Sacra, ornatus ad cultum divinum praeparatos, privilegia, literas tam nobilium Regni, quam ipsius Ecclesiae, quae privilegia post B. Stephanum per diversos Reges successive — — — data fuerant in perpetuam donationem possessionum Capitulo Strigoniensi, Ecclesiae supradictae, in perpetuum duraturam : videlicet privilegium de Kezteulcz, privilegium de Durug, privilegium de Zala- sun, privilegium de Damas cum aureis bullis confecta destruxit“ — eo, quod Capitulum noluisset filio eius obedientiam praestare praeeligens „potius subire pericula rerum, personarum, et commodorum, quam mandatis Apostolicis (Bonifacii VIII.) et iustitiae contraire.“ Ita loquitur Capitulum Agriense de protestatione Capituli Strigoniensis contra violentiam Bohemorum. Festo Omnium Sanctorum 1304.2) Hoc tempore Michaël iam obierat. 30. Thomas II. Ab Anno 1305—1320. Thomas, Praepositus Albensis, Archi-Episcopus Strigoniensis renunciatus, anno 1305. paucis diebus ante festum B. Mathiae Apostoli Roma redux, cum Ecclesiam S. Adalberti in quibusdam partibus ruinae proximam videret, de ea instauranda sollicitus erat, et eos, qui Bohemis Strigonium vastantibus cooperati fuerant, filios Henrici Bani, anathemate percussit. *) Carolo Roberto, quem in ReJ) Sciimitth op. cit. p. 157. — *) Cod Dipl. VIII. v. I. p. 169. 3) Cod. Dipl. VIII. v. I. p. 176 et 183.
