Memoria Basilicae Strigoniensis anno 1856. die 31. augusti (1856)

------------------------------------------------------------------------------------------—-----------------------~+*sfc

—

•1 • 103 H—

mum usque vitae diem prosequebatur, ut quidquid ipsis adeo indigentiis suis subtrahere potuit, Sacro huic fini impenderit. Anno 1822 Synodum Nationalem Posonii celebravit. Ecclesias LL. Regiarumque Civitatum, nec non aliquorum, in possessorio A-Episcopali exi- stentium, locorum Ecclesias canonice visitavit. 1830 die 28. Septembris S. C. R. et Apóst. Maiestatem Ferdinandum in Regem Hungáriáé coronavit Posonii. Canonicis Insignis Collegiatae Ecclesiae Po- soniensis crucem stellatam e collo gestandam procuravit. Obiit Stri- gonii anno 1831. die 13. Septembris. Tumulatus in Mausoleo Primatum. Eo demortuo, novem annis A7acabat Archi-Episcopatus.

70. Josephus II. Kopácsy.

Ab Anno 1838—1847.

Josephus Kopácsy die 30. Maii Anni 1775 Weszprimii natus, subin Clero Dioecesis Weszprimiensis adlectus, anno 1796 studiorum in Seminario Weszprimiensi Praefecti, nec multo post Secretarii officii Yicarialis munus obtinuit, 1798 presbyter ordinatus, sequenti vero Anno Historiae et Juris Ecclesiastici Professor constitutus est; 1805 S. Sedis Consistorialis Assessor, 1806 Parochus, mox et Canonicus Weszprimiensis, 1813 Abbas S. Jacobi de Simighio, Praepositus Hantensis et Archi-Diaconus Cathedralis, 1817 Tabulae Regiae Praelatus, 1819 Excelsae Tabulae Septemviralis Assessor et Electus Episcopus Pristinensis, 1822 Alba-Regalensis, 1825 Weszprimiensis Episcopus, 1828 Intimus Status Consiliarius, 1838 vero retenta per triennium Administratione praegesti Episcopatus, ut onus aedificandae basilicae ferre facilius possit, Archi-Episcopus Strigoniensis. Res gravissimas laboris patientia, mentis sagacitate, iudicii maturitate, atque animi constantia superavit. Abusus, in ineundis Matrimoniis mixtis vigentes, sufferre perrexit. Neoerectum Collegiatum Capitulum Tirnaviense die 1. Januar. 1844 solenniter installavit; Basilicae Strigoniensi, ad apicem usque eductae, Salutis signum imposuit, Praeparandorum, ad Magisteria scholarum elementarium, Institutum Stri- gonii cum Metropolitano Capitulo aperuit, aliis quoque, pro educanda praesertim Sexus sequioris iuventute destinatis, Institutis large succurrit, ripas Danubii pone Strigonium stabili ponte navali con- iunxit. Obiit Strigonii die 17. Septemb. Anno 1847. Requiescit in Mausoleo Primatum. Cui, post Yacantiam unius anni, successit:

b**—