Zalka János: Magyarország primásának Arany-áldozata 1859. november 6-kán (1859)

57

6) CarDInaLI IoannI baptIstae sCItoYszky arChIepIsCopo strI- gonIensI saCerDotI qYInqVagenarIo tkICoLLIs pannonIae faYsta LaetVs aYgYrIa nVntIat. („Jojada“ Idyllion).

„Chorus pastorum.

JOJADA, pastorum princeps, et gloria, vivat.

Innocuam sequitur senium geniale juventam ,

Pax animi longam ducit, suavissima, vitam :

JOJADA, amor noster! TIBI stat renovata juventus More aquilae, sensusque vigent cum mente virili.

JOJADA, pastorum princeps, et gloria, vivat.

Parvus adhuc, totaque tribu cum junior esses,

Nil puerile Tuis gessisti moribus unquam ;

Et veluti Salomon, solum sapuisse cupisti :

Inde corona senum TIBI, magna peritia rerum.

JOJADA, pastorum princeps, et gloria, vivat.

Nota boni vox pastoris pecorique, ducique,

Dumque vocat, quod vultque, jubet, paremus amantes,

JOJADA! amore trabis: nostrum, ceu clibanus ardens Flagrat amore TUI cor, et hoc juvat urier aestu.

JOJADA, pastorum princeps, et gloria, vivat.

JOJADA ! TE et nostri sensere cacumina montis Scandentem, Dominique focis holocausta ferentem :

Tunc in nos adeo pretiosa charismata fudit Dextra Tua, et populus montes ardescere vidit.

JOJADA, pastorum princeps, et gloria, vivat.

Quid serimus, comedant alii, ingratusque labori,

Triticeo tribulum pro semine reddat agellus ;

Uvaque labruscis mutetur, et hordea spinis Ante, Tui quam nos subeant oblivia amoris.

8