Pór Antal: Az Esztergam-várbeli Szent István első vértanuról nevezett prépostság története (1909)
UTOIEAT 121 succurrere dignaremur. Nos itaque attendentes huiusmodi supplicationem fore rationabilem ac salutiferam, tum ob reverentiam divini nominis et sacratissime virginis Marie, tum etiam beati Stephani prothomartyris, ut pro nobis apud Deum assidue intercedere dignentur, animo bene deliberato non per errorem aut improvide ducti, sed sano fratrum nostrorum in Christo carissimorum capituli ecclesie nostre Strigoniensis accedendo consilio et consensu in prefatis salutiferis dispositionibus nostrorum consensum pariter et assensum prebentes atque de certa nostra scientia prefatos duo canonicatus et prehendas ad dictos sex canonicatus et prehendas incorporando erigimus modo superius specificato et deputamus dictas- possessiones et fundum curie vel pecunias earundem, si redempte fuerint, modis et formis supraspecificatis de expressa voluntate prefati domini Ambrosii prepositi incorporando et ascribendo eisdem atque prefatos prepositum et rectores capellarum pro tempore constitutos in forma premissa, dando eisdem potestatem atque auctoritatem superintendentes deputamus. Omnesque proventus et redditus tam priores, quam posteriores inter ipsos octo canonicos undecumque provenientes equaliter dividendo decernentes, et generaliter omnia et singula premissa per ipsum dominum Ambrosium prepositum dicto modo disposita et donata in omnibus suis articulis, clausulis ét punctis de consilio fratrum nostrorum prefatorum approbamus sic habere volentes et ratifi- camus auctoritatem et decretum nostras interponendo perpetue et irrevocabiliter duraturas. In quorum fidem et testimonium presentes litteras nostras nostro anularis ac dicti capituli nostri maioris sigillorum appensione munitas duximus concedendas. Datum et actum Strigoniensi die Veneris, decima septima mensis Martii, anno domini millesimo quadringentesimo sexagesimo nono, presenti- bus venerabilibus dominus Michaele episcopo Mylkouiensi, vicario nostro in pontificalibus generali ac archidiaconatum Neugradiensem in commendam tenente, Nicolao Osthfy de Azzonfalua ecclesie nostre prefate preposito, Nicolao de Sook cantore, Thoma Armeno sancti Georgii et Ladislao de Kozard decretorum doctore sancti Thome martyrum ecclesiarum collegiatarum prepositis, item Michaele de Lyppa custode, et Alberto archidiacono Nitriensi decretarum docto- ribus, Gregorio de Buda artium liberalium magistro licentiato in iure canonico Borsiensi, Dyonisio baccalario Huntensi, et Anthonio decretorum doctore Zoliensi, archidiaconis, in ecclesia nostra pre- fata iugiter famulantibus.
