Leo Santifaller: Ergänzungsband 2/2. Festschrift zur Feier des 200 jährigen Bestandes des HHStA 2 Bände (1951)
IX. Nachträge - 82. Thea Oschinsky (Liverpool): Südtiroler Urkunden im Britischen Museum
Südtiroler Urkunden im Britischen Museum. 549 gehörnt, nicht davon ausgenommen, mit gantzen vollen gwalt damit tun und lassen mugen, handln und wandien allen iren willen, nutz und frumen, mit verkauffen, versetzen und in ander weg verwentten, alsdan ain yelich person mit solichen sein aigen und erkauften gütern getun kan und mag nach dem landsrechten an alle engung und irrung mein benantten verkauffers, meiner hawsfrawen, der benanten meiner swiger, aller unnser erben und an menigkliches widersprechen. Auch bekenn ich obgenantter verkaufter pey meinen güten trewen, das ich vor diser zeit dato dies briefs den obgenantten zehent auf dem obgenantten weingartten kainer andern person in der weit weder versetzt, verkomert noch nymant nicht davon verkauft hab dann allain dem obgenantten Petem kauffer und allen sein erben; und ob die obgenantt verkaufung yetzo pesser war oder hinfur pesser wurd dann die obgenant summ geltz und seine dienst sind, so der benantt Peter an dem benantten hoff getan hat, dieselbig pessrunng und ubertewr gib ich obgenantter Hanns Griesinger für mich und anstat als vor stet und aller unser erben dem benantten Petern und sein erben in gifft und lautt gabeweise unwiderrueffenlich und darauf versprich ich obgenantter Hanns Griesinger für mich und anstat als vorsteht zur all unnser erben und für menigklich dem benantten Petern Ziernhueber und allen seinen erben umb die obgenantt verkauffung und umb alles, das so in disem brieff geschriben ist, das mynist und das maist alczeit und ewigklich, vest und statt zuhalten und dawider nicht zetun, weder mit Worten, noch mit werchen, indhainerlayweise sunder darumb vor aim yeglichen herren, gericht, richter, geistlich, weltlich und gen menigklich rechter gwer Vertreter und furstant ze sein, wo innen das notturfft beschicht, und verhaiss in auch diser gwerschafft an allen schaden zuhalten als solicher gwerschafft, recht und gewonhait ist nach dem egemelten lanndsrechten. Und damit hab ich im nucz und gwer der verkauffung des obgenantten zehentten ubergeben und ingeanttwurt mitt ewiger stater furczicht; und des zu urchund der ganntzen warhait so gib ich obgenantter Hanns Griesinger für mich und mein hawsfrawen und unnser erben und auch als gewaltiger procurator anstat der benantten frawen Benigna, meiner swiger, dem benantten Petern Ziernhueber disen kauffbrieff, geschriben und mit meinem aigen anhangenden insigel besigelt. Geben und beschehen zu Botzen am nächsten freitag nach den Pfingstveyrtagen als man zalt nach Cristi gepurde tawsent vierhundert und in dem vierundsechczigisten iar. Siegel des Hanns Griesinger an Pergamentstreifen, rund (28 mm), braunrot in gelber Wachsschüssel. Siegelbild: heraldisch. Legende in gotischen Buchstaben: S’ Hanns von Griesinger; leicht beschädigt. 21. 1474 JUNI 4, o. 0. Christoff von Sparnberg, Ritter, verleiht Michel zu Tscheffaim in Geren in Wangen (nördlich Bozen) auf dessen Ansuchen anstatt seiner Frau Margaret die zwei Drittel des Hofes in Wangen in dem Sand zu Lehen gegen Zinszahlung von einem Hasen. Von dem dritten Drittel des Hofes zinst der gleiche Michel zu Tscheffaim l1/2 Gelten Öl. Perg. (28% b x 17 h). — S.: Add. Ch. 18105. Ich Cristoff von Sparnberg ritter bekenn und thun kündt aller menigklich, das zw mir kämen ist der erberg Michel zw Tscheffaim, gesessen in Geren ze Vangen und pat mich dyemüettigklich, das ich im gerüechte zw verleichen als ainem lechentrager an stat Margrett seiner wirttin, veylandt Andres Tscheffaim tochter; nämlich zway tail ains ganczen hoffes, der gelegen ist ze Wangen in dem Sandt und gehört der dryttaill des selben hoffs zw Sant Petter gen Vangen, davon der benant Tscheffaim jarlich zinst anderhalbe geltten Öls, und stost an den benanten hoff genant auf dem Tscheffaim oben herab der Hoffanger und gehört mit der aygenschafft in das spittal gen Poczen, und gen dem obendt zwen hoffe genant auf dem Beller, und gen dem morgen der Tewtschen heren wald von Lengenmoss, ze
