Leo Santifaller: Ergänzungsband 2/2. Festschrift zur Feier des 200 jährigen Bestandes des HHStA 2 Bände (1951)
VII. Allgemeine und österreichische Geschichte. - 70. Walter Sturminger (Wien): Die Kundschafter zur Zeit der zweiten Türkenbelagerung Wiens im Jahre 1683
368 Sturminger, Ego Ernestus Rudigerus Sac. Rom. Imperii Comes et Dominus de Stahrenberg in Wildberg, Riedegg et Laibnstain, Dominus comitatuum Schaumburgensis et Efferdingensis, Aurei Velleris Eques, Sacrae Caesareae Majestatis Camerarius, Aulae Bellicus Consiliarius, Generalis Campi Mareschallus et peditum Colonellus, Dux Quardiae et Commendans Viennensis, cum nihil quam aequum sit et huiusque semper observari solitum, ut qui rei publicae praesunt omnibus de re publica bene meritis ad opportunam eorundem instantiam de eorum bene gestis publicam fidem authoritate sua faciant, et illos publicis tabulis honorent, Notum facie, et hocce publico instrumento attestor, Dominum Georgium Michalovitz fuisse illum, qui dum miserabilis Vienna tunc temporis sicut modo et nunc meae commendaturae commissa tempore suae durae et longaevae obsidionis Turcicae anno millesimo sexcentesimo octuagesimo tertio, tunc in ultimis quasi suspiriis tam diu promissimi et speratum sucursum ingemisceret et spe nimium protracta quasi deficeret, nec modum ullum reperiret, quo de certiorata et per primum emissarium reportata promissione venturi succursus assecurari possit, ille prodictus Georgius Michalovitz zelo et fidei erga ecclesiam catholicam et fidelitatis erga Augustissimum Caesarem nostrum imperterrito corde inconcusso pectore non semel tantum sed bis et eo periculosius in hoc, quod iam inimicus de primo certioratus fortius et strictius invigilaverit in mediam inimicorum aciem tamen proruperit illam medius transiverit et usque ad serenissimum Ducem Lotharingiae exercitus Caesaréi, tunc generalem locum tenentem penetraverit et iam iam de auxilio omni dubitanti et desolatae urbi Viennensi felix nuncium infallibilis venturi succursus reportavens ad eoque tunc iam quasi sine ulla spe iacentem Viennam erexerit nova data spe, novas quasi vires ad pugnandum indiderit per quod pugnantes nos pro Deo et Caesare, pro ecclesia et urbe adeo animavit, ut urbs deo adiuvante a nobis per hunc nova spe consolatis iam iam quasi ex faucibus inimico barbaro erepta deo et Caesari ecclesiae et patriae fuerit conservata. Quae cum ita sint et similia bene gesta de re publica non aliud mereantur quam omnibus et ecclesiae Romanae et fidei orthodoxae simul ac Augustissimo nostro devotis enixe recommendari. Nos praeter hoc attestationis instrumentum praememoratum Georgium Michalovitz omnibus supra memoratis enixe recomendamus, quatenus illum omnibus favoribus et gratiis si quo modo eas contingeret implorare prosequi et omni meliori modo enixissime recommendatum habere velint, assecurans omnes, si easdem a nobis vel etiam ipso Augustissimo nostro implorare contigerit, reciproco modo omnes eas quas devoto supra memorato Georgio Michalovitz praestiterint, iisdem omnibus possibilibus et reciprocis modis recompensaturos. Datum Viennae in Austria anno millesimo sexcentesimo octuagesimo quinto, sexto die Martii. L. S. Ern. Rudi. S. R. I. Comes Dominus de Stahrnberg Anhang XIII Ist gegen dem originali allerdings gleichlauttendt collationirt worden. Actum Wienn, den 10. September 1691. Johann Köhler, kais. Hofkriegs- Canzley Expeditor. Anhang XIV Nos Simon Stephanus Schuster, Consul civitatis Viennensis, totusque senatus cum nihil quam aequum sit et huiusque semper observari solitum, ut qui rei publicae praesunt, omnibus de re publica bene meritis ad opportunam eorundem instantiam de eorum bene gestis publicam fidem authoritate sua faciant et illos publicis tabulis honorent. Notum facimus et hocce publico instrumento attestamanur Dominum Georgium Michalovitz fuisse illum, qui dum civitas Viennensis tempore suae durae et longaevae obsidionis Turcicae anno millesimo sexcentesimo octuagesimo tertio in ultimis quasi suspiriis tam diu promissum et speratum successum ingemisceret et spe nimium protracta quasi deficeret nec modum ullum reperiret quo de certiorata et per primum emissarium reportata promissione venturi succursus assecurari possit, ille praedictus Georgius Michalovitz Zelo et fidei erga ecclesiam catholicam et fidelitatis erga Augustissimum nostrum imperterrito corde inconcusso pectore non semel tantum sed bis et eo periculosius in hoc, quod iam inimicus de primo certioratus fortius et strictius invigilaverit, in mediam inimicorum aciem tamen proruperit, illam medius transiverit et usque ad serenissimum Ducem Lotharingiae, exercitus Caesaréi tunc generalem locum tenentem penetraverit, et iam iam de auxilio omni dubitanti et desolatae urbi Viennensi felix nuncium infallibilis venturi succursus reportaverit ad eoque tunc iam quasi sine ulla spe iacentem Viennam erexerit, nova data spe novas quasi vires ad pugnandum indiderit, per quod pugnantes Nos pro Deo et Caesare, pro Ecclesia et urbe adeo animavit, ut urbs Deo adiuvante a nobis per hunc nova
