Egyháztörténeti Szemle 15. (2014)

2014 / 1. szám - KÖZLEMÉNYEK - C. Tóth Norbert: Az esztergom-szentistváni prépostság második vizitációja

Az esztergom-szentistváni prépostság második vizitációja

21

simul cum eisdem etiam decimas vinorum de villis Sewlews, Vynar, utraque Thothbaka et Allexfalua cum ipsorum pertinentibus.

Item decimas vinorum et bladorum de Apacyawasarhel et suis pertinendis.

Item quartas prestimoniales decem et novem ecclesiarum in et sub decimatione predictorum dominorum de capitulo Strigoniensi maioris cultelli comitatus Borsiensis existentes.

Item molendinum in Kemend.

Item duas vineas in Nyrmal et Cheriewulde territoriis existentes ipsi(!) prepositure ecclesie Sancti Stephani et proprio usui prepositi pro tempore existentis in perpetuum donavit, contulit, assempsit(!) et incorporavit.

Preterea idem dominus archiepiscopus dicte ecclesie pro portione et usu canonicorum dedit, contulit et donavit duas domos in castro Budensi, unam videlicet ex opposito sanctuarii capelle Sancti Georgii martiris et aliam in vicinitate domorum domini Nicolai de Gara palatini et Georgii Jakcz ex altera parte adiacentes.

Item XXX florenos auri puri a magistro Francisco Bernardi et suis successoribus ratione quarundam domorum per ipsum dominum nostrum archiepiscopum sub infewdatarum.

Item molendinum, quod decurrebat sub turri Werpecz, pro quo singulis annis de curia archiepiscopali debent dari ipsis canonicis quatuor garletas tritici.

Item dixerunt canonici, quod prout ipsi audivissent a senioribus, deberent habere sex tunellas vini singulis annis de curia archiepiscopali, quod predecessores ipsorum sepius habuissent et etiam ipsi habere deberent.

Item duas garletas annone de molendino in Kemend.

Item XXIII florenos de predictis proventibus prepositure per prepositum annuatim ipsis administrandos.

Item censum parochialis ecclesie de Rosnobanya, videlicet XXXta florenos auri similiter eisdem canonicis inter se communiter percipiendos et dividendos assempsit et incorporavit.

Insuper idem dominus archiepiscopus creavit ibidem officium custodie, cui pro luminaribus in ipsa ecclesia amministrandum concessit et dedit quartas de Swsul decimationis Borsiensis predicte.

Postremo vero pro relevatione officii custodie et onere per custodem ipsius ecclesie Sancti Stephani subportando dominus Iohannes prepositus modernus concessit eidem custodi domum acialem in contrata Sancte Anne et vineam in monte Nyr Kapathw vocatam et adiacentem.

Insuper iidem canonici habent unam parvam vineam in monte Czerwelgh appellato existentem, quam nunc tenet dominus Gregorius.

Item ad secundum capitulum responderunt, quod ipsa ecclesia habet in se unum prepositum et sex canonicos et unum ex canonicis custodem et predicta ecclesia est collegiata et prepositura est caput et dignitas principalis [in] eadem et est secularis et canonici se membra et similiter seculares.

(pag. 2.)

Ad tertium capitulum responderunt, quod non habent aliquam in se curam animarum, sed custos pro tempore constitutus tenere, custodire et