Hegyi Ádám (szerk.): Összeírások és egyházlátogatások a Békési Református Egyházmegyében 1721 és 1820 (1831) között - Editiones Archivi Districtus Reformatorum Transtibiscani 26. (Debrecen, 2022)
6. Egyházlátogatások
* EGYHÁZLÁTOGATÁSOK * II. Sanctissimum eucharistiae sacramentum mundo in loco conservari tam in ostensorio quam in ciborio observavimus, saepiusq[ue], p[rae]sertim in aestate fere, quolibet octiduo renovari intelleximus. Ardet perpetuum lumen in lampada, quod expensis ecclesiae procuratur. III. Fontem baptismalem e lapide exstructum, habentem desuper cooperculum ligneum, cum figura S[ancti] Joannis Christum baptizantis, intusque instrumento cupreo, aqua in vigilia pentecostes hoc anno consecrata provisum, una cum ampulla ad baptizandum destinata, et salinario ac instrumento alio, pro aqua baptismali depluente excipienda, [p. 138.] munde, et clause conservatis, reservata clavipenes[?] parochum, ad latus dextrum in introitu existere observavimus. Sacra olea tam infirmorum, quam cathecumenorum cum sacro chrismate hoc anno consecrata, combustis antiquis, sub cooperculo p[rae]fati fontis conservata esse conspeximus, non secus penes fontem baptismalem existere sacrarium asserculo tectum observavimus. IIII. Ejusdem ecclesiae pavimentum lapidibus stratum sedibus seu scamnis antiquis et al [_] itis, et in choro organum quinque mutationibus provisum conspeximus, ecclesiam nullis ceteroquin imaginibus, nec confessionali provisam. In turri intelleximus existere campanas duas: majorem librarum 150 in honorem Sjancti] Joannis Baptistae, et Sjancti] Josephi, alteram minorem librarum circiter 27, in honorem S[ancti] Michaelis ab excell[entissi]mo condam domino comite Michaele Carolo ab Altthan episcopo Váciensi benedictam. V. Reliquias nullas existere, indulgentias autem haberi ad septennium ducturus, pro festo S[anctissi]ae Trinitatis adinvenimus, ita et processiones consvetas theophoriae, progationum, et S [ancti] Marci. Quo ad supellectilem ecclesiae. Invenimus pariter ecclesiam hanc habere duos calices, unum ex argento, alterum cupreum, patenam aeque unam argenteam, alteram cupream inauratus. Ciborium unum inauratum cum cooperculo suo, et velo. Monstrantiam unam, partim argento, partim auro obductam. Pacificale unum, thuribulum cum navicula cupreum, pyxidem pro viatico ad infirmos deferendo cupream. Campanulam ante sacristiam unam majorem, et minores sex. Pyxidem lamineamf?] cum s[anctis] liquoribus, casulas varii coloris octo, ex quibus aliquae sunt attritae, albas quatuor, super pellicea tria, humeralia quatuor, cingulos quatuor, corporalia novem, purificatoria 22, manutergia duodecim, altarium mappas majores tres, minores sex, candelabra lignea duodecim, cuprea duo, et fusa ex metallo duo, baldachinum attritum unum, ampullas 234
