Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

Acta post Synodum et proponenda in futura.

I. D(ominus) Lucas Pastor Szernensis accusatur defalcationis proventus Parochialis contra Ecclesiae Canonem.

II. D(ominus) Paulus Döczö Pastor Maczolanus ejusdem facti accusatur.

III. D(ominus) Rector Gulaciensis inscio Seniore, conductus ibidem contra Canonem

4. D(ominus) Magister Szőlősiensis simili errore laborat. Rector Szerniensis odem vitio tenetur.

V. Debitores in taxam superioris anni restantes. Taxa.

VI. Rector Oroziensis in obedientiae convictus est, qvia vocatus a Seniore per literas, comparare neglexit.

VII. Ablegandi ad futurum Procerum Conventum Galszecenii, in festo Michaelis.

Causae in Synodo Beregzazina decisae 17 Septemb(ris) A(nno)1603.

Demetrius Ördögh de Tivadar petit divortium ab Eccl(esi)a propter infidelem desertionem uxoris suae qvadriennalem, Ecclesia indulsit hac conditone, ut mulier infidelis maneat in vinculo, vir nubat in Domino. Causa separationis occulta est nempe Sodomia, qvam mulier fide mediante testari parata erat, suppressa tamen et c(etera).

II.

Thomas Kosa de Gulacz petit absolutionem suae nepotis ab Eccl(esi)a ob adulterium generi sui post sponsalia factum. Ecclesia indulsit, gener illius Franciscus Koncz mansit in vinculo, et filiae Thomae Kosa concessa libertas.

III.

Uxor Gregorii Torsás de Musaj petit libertatem alii viro nubendi propter infidelem desertionem mariti qvadriennalem et incuriam in sustentatione. Ecclesia indulsit, ut nubet in Domino cui volet vir praefatus maneat in vinculo perpetuo.

IIII.

Gregorius Vári de Becz petit libertatem divertendi ab uxore sua adultera, Ecclesia concessit.

90