Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

tum auditur, de qvo reddent rationem; D(omi)nus Fabianus et D(omi)nus Lucas Giarmathj inqvisitores illius facti.

II.Rector:....

Causae matrimoniales in congressu Beregino decisae A(nno) 1602 - 8.die Decembris Vet. Calendarii

Filia Francisci Zabo de Bene accusat suum maritum Franciscum Lőczik impotentiae ad matrimonium: maritus negat, testes affirmant et experientia., accusatur etiam saevitiae in uxorem (et cetera). Ec(c)l(esi)a itaqve cognitae causae veritate, divortii libellum illis dedit, hac conditione, ut mulier juramento comprobet, mariti inhabilitatem contractum matrimonium antecessisse et c(etera).

2da

Filia Benedicti Fazokas de Uyfalu qveritur de ferina mariti saevitia, inter qvos Ecclesia post longum Juris politici et Ecclesiastici processum, domesticam fecit separationem triennalem, expectans amoris conjugalis redintegrationem inter eos. At ista temporis mora nullam vitae melioris emendationem attulit. Itaqve Ecclesia utriqve indulsit libertatem transeundi a(d) secundas nuptias. Et c(etera).

3.

Georgius Bonnár Isnetenus in persona filiae 20 annos natae qvaeritur de spontanea fuga sponsi ejus Thomae Kocziss, qvi se absentans a sua

sponsa per qvinqvennium nullam ejus rationem habitam esse fassus est. Itaqve Ecclesia eos separat et c(etera).

4ta

Civis qvidam Derczeniensis petit divortium propter uxoris suae foedam commisionem cum genero filiae marito. Ecclesia indulsit et c(etera).

V.

Stanislaus Horvát Istvandiensis cum suo filio et nunc publice excommunicationi adjucatur ab Ecclesia, propterea, qvod filium 18 annos natum cum foemina qvinqvagenaria vel ultra contra Ecclesiae judicum et admonitionem duxerit Darocinum ad Sacrificulum copulationis ergo et c(etera).

VI.

Consensu Nobilium Calendarium receptum est. In eadem Synodo ex consensu nobilium Comitatus Beregh receptum est Calendarium Novum qvatenus maere politicum est et c(etera). - Primum qvidem receptum est et introductum a cornutis civibus Beregszasziensibus.

88