Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)
conditione, ut illa super maritum Lucam ignis supplicio adjudicatum juris vigorem exseqvatur in politico foro, et juret se ex illo patrati facinoris tempore non cohabitavisse cum marito post cognitionem facti. Qvodsi vero latam legis sententiam exseqvi noluerit dicta mulier, virgis publice caesa oppido ejiciatur. Haec isto proposito pergens sceleratum deprehendere non potuit fugitivum. Tractu itaqve longi temporis iterum comparens mulier, rem Senatui Ecclesiastico aperit, et separationem petit. Cujus petitione audita indulsit Eccl(esi)a illi libertatem, sed ita ut juret, se omnino exseqvutam fuisse legis pronuntiatae vigorem, si Sceleratus ille deprehendi potuisset. Juravit. Sceleratum vero maritum virgis publice eaedendum adjudicat Ecclesia, et post reconciliationem Eccl(esi)ae in coetum admittendum et c(etera). 3. Uxor Martini Pezle de Suránj petit divortium propter impotentiam mariti naturalem, cui Eccl(esi)a indulsit hac conditione, ut juret dictum maritum impotentem esse ad cohabitandum, nec unqvam a tempore conjugii copulam cum illo habuisse carnalem. Juravit. Nubat cui volet. Ursula de Suráni in Badalo petit repudium bliae suae Annae sponsi nomine Valentini Veres de Czeke, duabus de causis. Primo propter consangvineitatem in tertio gradu - deinde propter aliam virginem in Czeke ante qvadriennium desponsam et perfide desertam; Ecclesia indulsit hac lege, ut juret utrinqve rem ita esse. Juravit. V Joannes Toot in Badalo petit separationem filiae suae Helenae a Stephano Thenge sponso propter consangvineitatem in tertio gradu antea ignotam. Concessit Eccl(esi)a, ut juret, rem ita esse. - Factum -. VI. Uxor Stephani Varga de Várj Margaretha petit separationem a marito suo impotentiam ad cohabitandum et desertionem ejusdem triennalem. Ecclesia indulsit hac lege, ut juret rem ita esse. Juravit Margaretha Darocziensis. Emanentes e Synodo hac fuere hi: Reverendus D(omi)nus Simon Czarnahaj Pastor Eccl(esi)ae Szőlősinae. R(everendus) D(omi)nus Caspar Beczi Pastor Eccl(esi)ae Salankinae, cui adesse non licuit per acres oculorum dolores, ut accepimus et ut vidimus. 62
