Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

VI. Causa.

Michael Dobos de Halábor petit libertatem filiam suam nubendi cui volet, post repudiatum sponsum priorem. Concessit Ecclesia.

Proponenda in Synodo Musainum convocanda ad 15 diem May Anno 1595.

Primum

Relatio referenda, ex Legatione ad Conventum Nobilium proxime amandata, de scelerato Georgio Hagimásy; de nobili juvene Davidháziensi moechato cum vidua qvadam muliere ejusdem loci: De taxa nobis Ecclesiasticis imposita.

Secundum

Qvae ad nos sit delata relatio ex Legatione ad Magnificum Toannem Perénv nuper amandata, de conturbandis terminis Ecclesiae et Dioecesis nostrae antiqvis. Qvid item precibus ex intercessione Ecclesiae sit consecutum abeodem Joanne Perénj et Civibus Szőlősiensibus, pro mansione diuturniore D(ominus) Nicolai Agriensis Szőlősini, et pro impetratis ac restitutis reculis Sacellani et Rectoris Schola Szőlősiensis - Qvid deniqve Domini Legati intercedentibus Ecclesiae Literis sint consequuti in causa Domini Nicolai Agriensis a magnifico Georgio Perénj in Nagida.

Tertium

Qvid certi de taxa asportarint D(omi)ni Legati ex partibus superioribus, eo nuper ab Ecclesia missi. Et c(e)t(era).

Qvartum

Qvomodo sit consulendum rebus Rectoris Czekiensis deploratis, cui violenter ademit frumentum insignis aOeoc; Matthaeus Kende, pretium sub spe promisso. Ad qvem cum dedissem Literas de hac re per Rectorem Czekiensem ne perlegere qvidem dignatus est eas, verum turpissimis conviciis usus in me et Literas dilaniavit et Rectorem a se abegit. Ille vero desperatae vitae homo et Latro insignis Stephanus Szeczénj Procurator Pauli Melit in Kőlcze, refiduum frumenti Rectoris ejusdem per vim eripuit, insuper dictum Rectorem in via captum incarceravit, vinctumqve illum per sex pixidarios ad Paulum Melit perferri curavit, indicta causa, et c(e)t(era).

50