Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

ejus decisa est, ut ad decimum qvintum diem juramento deposito purget se Dominus Nicolaus cum tribusmet personis honestis, et juramento deposito cum septem personis revertatur ad conjugem Thomae Varga civis Szőlősiensjs hujus criminis infamatricem, eamqve capitis Sententia mulctet, Lingvam vero Thomae Varga praecidi curet. Qvodsi juramentum deponere neglexerit Dominus Nicolaus officio suspendatur in perpetuum.

2 Causa.

Joannes Debrecenj Sacellanus Szőlősiensis et Joannes Pankotaj Keczkemetinus Rector Scholae Szőlősine accusati deprehensi et convicti crimine proditionis et insidiarum sui Pastoris, ita ab Ecclesia adjudicati, ut primo qvoqve tempore Dioecesi Beregina ejiciantur, nec amplius in eadem commorandi facultatem habeant, simulqve ab officio Suspendatur.

Tertia Causa.

Andreas Borbelj Civis Szőlősiensis unacum uxorem comparens in facie Ecclesiae spontanea voluntate fassus est suam ad cohabitandum cum uxore impotentiam, nec unqvam cum ea copulam habuisse carnalem, ob hanc petit divortium. Lege itaqve super hac re adjudicata, visum est Ecclesiae, ut utraqve pars juret, nulla alia de causa petere divortium, nisi qvod impotens sit ad matrimonium. Juramento igitur super hac re utrinqve deposito, concessum illis est ab Ecclesia divortium.

4. Causa.

Mulier Davidhaziensis vidua in adulterio deprehensa cum nobili qvodam juvene votum vovente, se velle illam in uxorem accipere, si illa consentiret in scelere illiqve obediret - Sed perpetrato tandem scelere mulier decepta inventa est gravida ab illoqve neglecta. Ecclesia indulsit viduae habita ratione vitae honestae anteactae et Liberorum Orphanorum; ita tamen, ut publico in vinculo conclusa et sacra in eodem concione audita Ecclesiam reconciliet, et nubat cui volet.

V. Causa.

Vidua qvidam de Barrabas elocarat filians homini cuidam peregrino, cum qvo honeste vixit juvenca intra anni unius spatium: at postqvam de illius viri bigamia certa percrebuit fama, literisqve ex Lelez ubi antea ille vixerat et alteram uxorem adhuc vivam habebat, apportatis a Judicibus ejus loci juratis certo certius compertum est, illum sceleratum duarum conjugum esse maritum. Qva re probe cognita, petit mater juvencae divortium, qvod Ecclesia illi concedit, et ad secundas nuptias transeundi potestatem facit, et c(e)t(era).

48