Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

III. Thomas Kende comparens in facie Eccl(esi)ae petit separationem ab uxore, uxor similiter a marito. Ratio, qvia maritis tyrannus et infidelis utpote, qvi ab octennio nulla vestitus cultura eam ornaverit, insuper qvotidianae vitae alimenta negaverit, nec sufficienti alimonia ipsam sustentet, et thoro conjugali se eluserit maritus. Ecclesia diligenter ventilata causa eorum, concedit divortium hac lege, ut ad 15 diem Thomas Kende suam conjugem de bonis ei ademtis mobilibus ac immobilibus contentare pergat, vel si par non fuerit solvendo, ad futuram usqve Synodum det operam satis factioni. Deinde Thomas Kende in perpetuo maneat vinculo vita uxoris durante.

IIII. Matthias Czeh de Guth petit libertatem ad novas nuptias eo qvod uxor infideliter deferuerit et abest a triennio, nec scitur ubinam gentium vagatur. Ecclesia indulsit hac conditione, ut juret rem sic esse.

V. Andreas Gal de Bot Palád petit separationem ab uxore veneficio infecta et fugitiva - indulsit Eccl(esi)a hac lege, ut mulier Korodina ejus uxor maneat in vinculo vita mariti durante. Et c(etera).

VI. Conjux Andreae Mainaj petit libertatem ab Eccl(esi)a alii nubendi propterea, qvod maritus praenotatus infideliter deseruerit ipsam et in Transylvania aliam qvoqve habeat uxorem legitimam. Indulsit Ecclesia , ut juret mulier sic rem se habere.

VII. Conjux Pauli Czizar de Szapczon petit divortium propter infidelem mariti desertionem plus minus biennalem. Ecclesia indulsit hac lege, ut juramento testetur se nullam dedisse marito occasionem ad fugam et desertionem sui.

VIII. Uxor Joannis Kalmár petit libertatem alii nubendi propter desertionem mariti triennalem plus-minus. Ecclesia indulsit hac lege, ut juret mulier se non fuisse in causa desertionis et fugae mariti.

IX. Michael Vagus de Beregzaz infideliter deseruit uxorem suam a qva abest per qvadriennium, uxor petens libertatem alii nubendi, concessit Eccl(esi)a hac conditione, ut juramento fidei testetur, se non praebuisse ullam occasionem marito ad infidelem desertionem.

X. Benedictus Zöcz de Tivadar accusatur ab uxore naturalis impotentiae, aitqve se in eodem vigore virginitatis esse, qvo antea, neqve ab annis 13 copulam carnalem habuisse cum marito juxta matrimonii thorum consvetum. Petit itaqve separationem a suo marito. Ecclesia confiderans veritatem ejus causae, voti se compotem facit hac conditione, ut juret maritum esse impotentem. Et c(etera).

XI. Simon Laza petit divortium a sua conjuge propter adulterium uxoris suae, qvae virgis publice caesa, nunc vagatur incertis sedibus. Ecclesia

112