Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

III. Jacobus Bartha Kazoniensis cum sua conjuge Gellienesina coram facie Eccl(esi)a suam impotentiam naturalem fassi, petunt divortii libellum - Eccl(esi)a indulsit hac interjecta conditione, ut uxor juramento comprobet mariti impotentiam et insuper violationem vulvae manibus factam, cujus accusat maritum. Maritus maneat in vinculo.

4. Joannes Ágoston de Orozi dato libello devortii ab adultera uxore discessit. Et c(etera).

V. Stephanus Dienes de Tenke desertor suae conjugis in Beregzaz habitantis nomine Sarae accusatus ob qvadriennalem desertionem et incuriam a conjuge nominata, dissolvitur ab ea Eccl(esi)ae suffragio, et uxori libertas datur hac conditone, ut juret mulier rem sic esse, sic alii nubat in Domino.

VI. Basilius Kató de Szabszon cum sua conjuge assistens coetui Ecclesiastico, uterqve fassi morbum incurabilem mulieris necificum in genitali membro existentem. Petunt divortii libellum. Ecclesia indulsit hac conditione, ut uterqve juret morbum nuptias praecessisse et incurabilem esse. Et c(etera). /marg. jegyzet: propter hermiam - az tökösségéért/

VII. Nicolaus Bartha Salánkiensis, cum sua uxore Uyfaluensi comparens, petunt divortii libellum ab Ecclesia. Uxor propter perpetratum scelus adulterii ante nuptias occultati, post autem patefacti. Ecclesia indulsit hac conditione, ut mulier juramento attestetur, se ignoram fuisse criminis mariti, alioqvi nuptias illius fugisset. Maritus liberatus est vinculo uxoris soluta pensione, similiter uxor.

Conditiones indulgentiae ab Eccl(esi)a datae erga Stephanum Szerdahelium Pastorem Berexasiensem Anno 1605. 2 Febr(uarius) in Varj.

I. Ut coetum Ecclesiasticum in instanti reconciliet et Seniorem multis modis ab ipso laesum.

II. Ut Eccleisam suam hoc est auditores suos publico in loco finita concione reconciliet solemniter: factis enim suis offendiculum eis peperit non parum.

III. Ut suo Chirographo testetur, se nunqvam imposterum vel Levissima in causa Ecclesiam concernente, ad Secularis Magistratus patrocinium Confugiturum, neqve sua inobedientia vel alio indecenti facinore Ecclesiam et Seniorem Laesurum ex proéresi. Sin minus subiturus est poenam in articulis expressam.

100