VJESNIK 20. (ZAGREB, 1918.)
Strana - Sveska 4. - 278
278 Wart-Geld raichen; wo aber E. kn. Mt. an diser Granizen ain Khriegs* folkh aufnambe, das man sy fur ander in Diennst furdert; wo man sy aber ausser Lannds prauchet, wie andern E. kn. Mt. Diennstleuten Besoldung gäbe. Wir haben E kn. Mt. vmb ainen Beuelch der vorberuerter aintausent Gulden Reinisch halben auf E. kn. Mt. Aufflager in Crain Hannsen Zainesser lautund, von Rotenpuhl aus, wie uorsteet, geschriben vnnd gepeten, das E. kn. Mt. denselben iurderlich herein verordnet, vnangesehen das derselb wie bisher mit ankhomen, hab ich Niclas Freiherrn vom Thum etc. nichts weniger dieselben aintausent Gulden Reinisch in Thuech vnnd maintails in Traid fur mein aigen Schuld zu bezallen aufpracht vnnd innen zuegestelt. Hierauf biten wir E. kn. Mt. vnderthainigists Vleiss, deselben Beuelch furderlich herein zu uerordnen. Weiter hat vnns Rezan Weiuoda sein Beschwär in Schafft vbergeantwort, laut beiligunder Copey vnnd dieweill »Herr Hanns Buchler als Verwalter der obristen Veld hauptmanschafft vnnd ich Lanndsverweser Herrn Hannsen* Hofer, Haubtman zu Tibein, deshalb mermall' ernstlich geschriben, aber vnangesehen soliches alles vnd das sy von E. kn. Mt. gefreidt sein vnnd Herr Hans Cazianer innen offen Beuelch geben, wo sy ir Viech auf den Albm oder anderswo auf den Oednussen waideten. Das sy aller Diennstperkhait vnd wie mans hinein nent, der Herbadia, frey sein sollen, hat Hofer ime soliches Viech bisher nit zuegestelt. Biten darauf E. kn. Mt. vnderthainigist Vleiss, dem Hofer zu beuelhen, das er dem Ressan sein genomen Viech zu Verhuetung merer Irthumb vnnd Vnlusst mit Abtrag Khosst vnnd Zerung wieder zuestell. Das wellen wir vmb E. kn. Mt. als vnnsern allergenedigisten- Herrn vnnd Lanndsfurssten, den wir vnns gehorsamst verdiennen. Datum Laibach, den X1III. Tag Marci im XXXIII Jar. E. kn. Mt. vnderthainigist Dienner Niclas Freiherr vom Thum vnd zum Kreuz, Anndre von Lamberg zu Rotenpuhl, Verweser der Landshaubtmanschafft in Crain, Wolfgang von Lamberg zu Schneeperg, Vitzdumb daselbst in Crain, Joseph von Lamberg zu Scheeperg Ritter. Posst scripta ist der Beuelch der aintausent Gulden halben an Aufschlager lautund, dessgleichen auch auf vnnser vorgethans Schreiben vnnd Bericht Beschaid ankhomen, warumb wir aber auf den vorigen auch E. kn. Mt. yetzgethanen Beuelch die Handlung nit beslissen mugen, werden E. kn. Mt. aus hieobgeschribnem vnnserm Anzaigen vernemen. Actum ut supra. Die obgeschribnen Artikhl was die Einsetzung vnd Vnderhaltung der Herubergeuallnen, (so mit ainem Strich bezaichent), beruert, sein Herrn Hannsen Cazianer auch zuegeschikht worden. Kovcuja, Türkenkrieg. Fase. 122.
