VJESNIK 20. (ZAGREB, 1918.)

Strana - Sveska 4. - 263

263 villeicht Herr Niclas von Irer Mt. Hofe noch nicht abgefertigt. Nichts minder fueg ich E. G. vnnd Freundschafft nachmals zu uernemen, das solich hervber eentsprungnen Thurkhen vasst vnwillig vnd schwermuetig seift, nachdem sy weder Grundt, Hauss noch Hof nicht haben,, vallen innen auch ire Ross vnnd ander Viech vor Hungers vmb dan sy Hew, Fueter vnd annder Traidt durch das ganz Jar nicht zu khaufen vermugen. Sein auch etlich mall ir Hawbter fur mich khumen vnnd^ mir ir Klag, Armuet vnnd Mitleiden, so sy tragen, vnnd bissher erbten, furgeben. Nun hab ich sy bissher albeg mit gueten Worten abgefertigt vnnd souill mir imer mugklichen gewesst, ir Schwermuetigkhait abgelant mit Anzaigung, di khn. Mt. vnnser allergenedigister Herr werden sy laut irer Mt. Vertröstung genedigklichen versechen vnnd ir getrewen Diennst, so sy bissher erzaigt, bedennkhen, auch bey Herrn Niclasen vom Thum irenthalben Beschaidt vnd Verordnung geben, darauf etlich mir geantwurt, lang war je zw lanng. Nun hab ich gedacht Entsprungnen mit Worten angelangt vnnd sy gefragt, wo sy am liebsten sein vnnd an dieser Greniz niderthuen wolten, haben sy mir geantwurt: in Sichelberger vnnd MetHnger Poden, vmb derselben Gepurg, wo sy Grundt gehoben mochten, wolten sy sich behaupten vnd alda.aufenthalten, aber vnder dem Khobaschitz wolten sy nicht sein, dan er innen dise Jar vili vnd gross Vngerechtigkhait auch Gezwang bewisen vnd gethan, sonnder damit die khn. Mt. solichen Flekhl Sichelberg widerumben zw Hennden namb oder ainem andern Landtman gab, derhalben schreib ich abermals der khn. Mt. vnnd pit vmb irenthalben vmb Einsechung vnnd Verordnung, war vasst guet, damit E. Q. vnnd Freundtschafft neben mein auch schriben vnd pät Irer Mt. vmb Fursechung, dan' wo Herr Niclass vom Thum hereinkhumen vnnd irenthalben~ nicht Beschaidt bringen wurde, so ist zu uermueten, sy werden sich zum Taill vnndersteen, sich widerumben in der Thironnen Gewalt vnnd Gehorsamb, wo das beschach, das der Almechtig lanng verhueten welle, war vill pesser vnnd nutzlicher, sy wären nie heraus eentsprungen, wie dan E. Gn. vnnd Freundtschafft, den hochen Verstanndt nach, selbst pass erwegen als ichs anzaigen khan mugen. Damit aber gedacht Eentsprungnen biss auf Zwkhunfft des Herrn Niclasen vnnd Verordnung von khn. Mt. auch von irer Schwermuetigkhait zum Tail gepracht vnnd obgelant wurde, so ist an E. Gn. vnnd Freundtschafft mein hoch vnnd freundtlicnes Piten, souer man bey E. Gn. vnd Freundtschafft souill Gelt gehaben, het mugen das man doch dennen Haubter, wo nicht mer doch ain hundert Gulden diser Zeit furstrekhen mocht, soliches wierdet machen, das sy zw khn. Mt auch zw euch, meinen günstigen Herrn vnnd Freundte, ein pessere Hofnung auch Zuuersicht haben vnd Hertz nemen wurden, mocht auch dardurch etlich Geferligkhait verhuet werden, so disem Lanndt ersteen mochten, des der Almechtig verhueten vnnd lang daruor