VJESNIK 19. (ZAGREB, 1917.)
Strana - Sveska 1. i 2. - 18
18 Dempta minori summa emptionis librarum 38.985, solidorum 19, a maiori summa venditionis librarum 60.341, solidorum 13, remanet lucrum in extradandis victualibus et aliisque rebus 21.355 lib. 14 sol. Conscriptio Aedificiorum, laboratoriorum aliarumque domuum ad usum ferrifodinarum necessariorum in Chyabar existentium. Domus seu curia ibidem ab infra murata, ex superiori parte lignea, trium contignationum, capiens cubicula quatuor, ab infra habens cellarium et sua requisita pro inhabitatione commoda. Maior mineralis fornax, cum duobus follibus maioribus novis, una cum malleo maiori bal lasch hamer dicto et sua fornace et duobus follibus. Item alius separatus malleus 1 ) dictus, cum suo foco et follibus duobus, omnia sub uno tecto existentia, cum suis instrumentis et appertinentiis necessariis, et canali brevi 15 passuum, exiguoque aggeris opere et conservatoriis seperatis tribus. Item maior habitatio murata duarum contignationum, capiens cubicula duo pro officiali officinae, ubi etiam in fundo officina existit. Praeterea domunculae seu habitationes duae ligneae pro magistris laborantibus ad praedictam fornacem et malleos spectantes. Fornax mineralis minor, cum duobus tollibus et Wolfhamer dicto, suisque separatis follibus et duobus extraneis conservatoriis carbonum, canales habens novos in longitudinem ducentorum passuum, et habitationes separatas, duas ligneas pro magistris et operariis. Item stabulum oblongum ligneum pro bobus, ubi foenile spatii quatuor iugerum existit, pro sustentandis ad vecturam prius denotatis animalibus necessariam. Mallei italici seu Preshäner Hämer vocati, duo cum quatuor follibus et duobus focis adiuncta fornace, ubi ferrum diffluit, cum suis follibus. Item uno cote, omnia unum tectum capiens, et ab extra canale habens 12 passuum, separata carbonum conservatoria duo et domunculas pro laboratoribus et magistris. Praeterea malleus Strekhämer intitulatus, cum duobus focis et quatuor follibus, conservatorio carbonum uno, et habitatione pro magistris ibidem separata. Item fabricina separata cum malleo prius Strekhämer denominato. tribus follibus et aliis suis usui omnibus praenominatis operibus necessariis instrumentis. l ) Izostavljeno slijedi mjesto za naziv, koji nije upisan. Ima biti Ballasch hamer.
