VJESNIK 19. (ZAGREB, 1917.)

Strana - Sveska 1. i 2. - 104

104 Prvi svedok sudac Mihovil Škapčić ispitan pod rotu, ki reče, da jest čul od bivšega župana Valentinića, da je rekal, da njega zetu Je

rolim pušća ov del sela, ki je od sunča zapada, kadi je kuća i da mu se je i njega brat Jerolim pohvalu, da mu je ta rečeni del pustil, drugo da ne zna. Drugi svedok ispitan pod rotu Ivan Bajočić, ki reče, da jest imel petnajst let i da jest pasal ovce poli župana Valentinića okol kuće toga Valentinića i da jest k njemu prisai ta župan Valentinić i rekal mu, da je dal svomu zetu Jelolimu i svojoj hćeri Perki ov del sela od sunča zapada, kadi je kuća, kako stoje orihi, da drugo ne zna. Treti svedok pod rotu ispitana Marica, hći toga Valentinića, a žena bivšega Antona Škapca, ka reče, da jest čula od svoga otca, da jest dal svomu zetu Jerolimu i svojoj hćeri Perki ov del od sunča za

pada, kadi je kuća i onako donikle nad kuću, a da ima ta Jerolim učinit pomoć kuću svomu sinu Lovretu, kadi se „Dreni" zovu. I ja pop Martin Martinačić pisah. U dan 28. maja 1599. po satniku Ivanu Kršulju intimana pena meju svojimi brati Lovretom i Valentinom Škapci, ki bi jedan na dru

goga nepošteno psoval marak 10, a od poseženja marak 20. Na svedočastvo sudac Mihovil Lucijan i Baštijan Velac. U Veprincu 3. lipnja 1599. II. 14. Sud veprinački rješava parbu izmedju sestara Urse i Fumije i brata Matije Vlastelina radi očinstva, nadalje osudjuje s ogluhe Petra Brajkovića te Bartola i Grgića Livinića. U dan 3. juna 1599. v kaštelu Veprincu v kući s(ve)toga duha, sedeći poč(tova)ni župan Bartol Puližanac, sudac Matij Livin, ordinariji, i veći del starijih. Pred kih počtovani prituži se Ursa, žena Matija Kršulja, na svoga brata Matija Vlastelina zaradi svoga otačastva, ča njoj biše otac ime

noval, i svoju sestru Fumiju, da njim ne bi otel toga dat. " Na drugu stran odgovaraše rečeni Matij, braneći se jednim pismom, ko su učinili njih kurmsari. Vaspet govoreći rečene sestre, da ne one toga ne kuntenaju, da ni nemoguć uči(ni)t toga ni da ga nisu ni ontrat kuntenale. Razumevši poč(tova)ni oficij tužbu i odgovor jedne i druge strani, tolikoje razumejuć ono pismo, storeno od rečenih kumisari, a mi ne tvrdeći toga rečenoga pisma, odlučujemo, da imej rečeni Matej dat ono, ča njim je njih otac pustil, i ono, ča su njim bili kumisari prvo osi

njali, ča je župan Bartol i sudac Marko i Bartol Brnardić, ki su bili va

to vreme pućeni kumisari i svedoki od njih otca i ča se dece najde, da imaju part na parti skupit vsakim boljim putem i pravicu.