VJESNIK 18. (ZAGREB, 1916.)
Strana - SVESKA 4. - 312
312 biles fidèles nobis dilecti! Dum sub ultimis regni comitiis pro defensione patriae, augustaeque domus nostrae incolumitate communibus vous generalem obtulissetis insurrectionem, reposuimus nos eam, ubi nécessitas postulaverit, pro supremo iure nostro regio ad mentem legum desideraturos et exacturos, adest itaque nunc illud temporis momentum, quo universi nobiles et omnes illi, quos sub nomenelatione hac lex complectitur, cujuscunquae dignitatis, honoris, et status personae arma capiant, et percharum istud Hungariae regnum, partesque eidem adnexas ab instantis inimicis furore et aggressionibus tutum securumque reddant, is enim numeroso, quem undique colligit, exercitu stipatus, eas [in advicinis haereditariis nostris germanicis provinciis facit progressiones, ut nisi confestim pectora vestra opposueritis, praesentaneum adsit hostilis invasionis, eamque concomitantium calamitatum periculum. Nos, qui in avita vestra virtute et fide peculiarem semper collocavimus fiduciam, prorsus non dubitamus hac etiam occasione facta generalis, quam nunc indicimus insurrectionis publicatione pro incumbente vestro munere statim, atque illico in ea describenda diligentem vos navaturos operam. Dum autem insurrectionalis haec militia conformem legibus regni exercitandi normam habere deberet, districtuales générales una clementer resolvimus; et quidem pro districtu Trans-Danubiano cognatum nostrum nobis sincère dilectum illustrissimum s. r. i. principem Nicolaum Eszterhazy de Galantha perpetuum comitem in Frakno, insignis ordinis S. Stephani regis apostolici magnae crucis equitem, comitatus Soproniensis supremum ac perpetuum comitem, camerarium et consiliarium nostrum actualis status intimum, generalem campi vigiliarum praefectum, nec non ad nobilem turmam nostram praetoream hungaricam primarium locumtenentem ; pro Cis-D; nubiano fidelem nostrum nobis dilectum spectabilem ac magnificum comitem Nicolaum Palffy ab Erdöd perpetuum in Vöröskeö, ordinis Melitensium equitem, comitatus Posoniensis perpetuum comitem, camerarium nostrum et generalem campi vigiliarum praefectum; pro Cis-Tybiscano fidelem nostrum nobis dilectum magnificum liberum baronem Joannem Meszaros insignis ordinis militaris regio Theresiani equitem, generalem campi mareschalli locumtenentem nostrum, et unius legionis equestris ordinis uhlanorum colonellum proprietarium ; pro Trans-Tybiscano fidelem nostrum nobis sincère dilectum magnificum liberum baronem Gabrielem Splény de Mihaldi insignis ordinis militaris regio Theresiani commendatorem, camerarium, consiliariumque nostrum actualis status intimum, generalem campi mareschalli locumtenentem, unius legionis pedestris ordinis hungaricae colonellum proprietarium, nec non comitatus Szabolcsensis supremum comitem; et quia publicae securitatis ratio deposceret omni possibili cum conatu ibi praesertim insurrectionale hoc negotium admaturare, ubi periculum hostilis invasionis propius imminet, tale autem in regno cumprimis Croatiae praemetuendum esset, quapropter ut comitis bani nostri Croatiae fractas aetate et servitiis vires sublevemus, fidelem nostrum nobis dilectum speatabilem ac magnificum comitem Antonium Pejacsevich camerarium nostrum, et generalem campi vigiliarum praefectum eidem clementer adjungendum esse duximus. Antelatorum generalium muneris et activitatis erit, in singulo sibi concredito districtu cum comitatibus correspondere, necessarias idcirco facere dispositiones, ac insurgentem nobilitatem in processu, in exercitu, et reditu dirigere eo suapte intellecto, quod centralis exercituantis hujus militiae directio ad suam celsitudinem regiam dominum regni palatinum fratrem nostrum charissimum qua supremum regni capitaneum e mente legum pertineat. Ad servandum porro bonum ordinem et evitandas confusiones, militia istius modi sub signis alias vexillis comitatuum ex praescripto legum in campum proditura, per ipsos comitatus in cohortes redigetur, ex hac ipsa capaciores et magis apti in conformitate articuli 20. 1545. in offiçiales praeficientur. Quibus in reliquo gratia nostra caesareo—regia benigne propensi manemus. Datum in archiducali civitate nostra Vienne
