VJESNIK 18. (ZAGREB, 1916.)

Strana - SVESKA 2. - 143

143 sumerent etc. tueri, protegere et defendere debeatis etc. Datum in arce posoniensi, 16. augusti 1662. Subscripti sunt Leopoldus, Selepcheny, Orbon. Tertium scriptum continebat relationem, qualiter Simeon 15. martii ad illustrissimum vicegeneralem Capronczam veniens, se tanquam episcopum praesentaverit, alio one pedum deportante. Amandavi (inquit ille dominus) ilium et prohibui, ne id sibi arrogaret, antequam a supremo principe confirmationem obtineret. Respondit admirabundus Simeon, id sibi a cancellario ter promissum et his patentibus (quarum principalem et haec ipsa cahrta exhibet supra), ab imperatore collatum et vi earum patentum se a patriarcha ordinatum etc. Verum gens ilia hunc Simeonem non vult agnoscere nec in domos admittere; Gabrieli omnes adhaerent et eum desiderant etc. Haec et similia in tertio scripto. Cupiebat magnas haec omnia ostendi confessario principis et scire, quid virium haberent illae patentes et quidnam periculi subesse videretur? Aberat tunc confessarius domum reverso exposui omnia. Die 27. accessi illustrissimum cancellarium, sed propter alios circumsedentes non potui sufficienter exponere causam adventus mei. Interim nox me domum avocavit. Die 28. martii denuo venit magnatis secretarius, cui scripta restitui et protectionalium omnimodam ostendi invaliditatem in ordine ad dignitatem, quam sibi earum tenore collatam simplex homo putabat. Suasi demum, ut vicegeneralis (IUSSU magnatis) imaginario huic episcopo inhiberet excursionem in has partes, praesertim ad supremum principem, qui alias habet occupationes, quam ut talium hominum ambitioni, non sine sua molestia, inutiliter famuletur. Dum heri cum illustrissimo cancellario loquerer, interfuit quinquecclesiensis dominus Mernyan .. . Idem hodie apud me fuit. Oblata loquendi occasione varia ex illo quaesivi. Inter reliqra cognovi, Romae nunc esse tres prae religiosos doctos probosque Ruthenos unitos ac praesertim quendam calugerorum inter Ruthenos unitorum, provincialem virum apprime eruditum ac zelosum. Quid si illustrissima et reverendissima dominatio vestra aliquem ex iis in vicarium suum generalem deposceret, talis, qui nondum alibi episcopum egit, facilius in omnibus se accomodaret beneplacito et disposition! illustrissimae dominationis vestrae. Hie autem unanimi connisu daremus operam per idoneos dominos et patronos, ut supremus princeps in omnibus annueret piis et salubribus illustrissimae et reverendissimae dominationis vestrae postulatis. Praetextus, quo talis vicarius induceretur, posset esse, quod necessarius sit genu pastor doctus, qui coram intelligentibus et eminentibus viris cum honore comparere et non solum opilionum suorum idiomate, sed etiam eruditorum lingua necessitates populi sibi subiecti exponere posset etc. Illi Rutheni uniti absolverunt iam sua studia Romae. Bonum forsitan esset, si is quem congregatio de propaganda fide (vel alii, sub quorum arbitrio vivit) genti praeficiendum putaret, prius in Rus-