VJESNIK 16. (ZAGREB, 1914.)
Strana - 124
124 Prvi svedok Mikula Kadmen, ki reče, da je videl Anice s Pećnika hćer goneć kravi poli čita rečenoga Grgi i da su ušle kravi rečenoj hćeri i da su šle priko žita. Drugi svedok Ivan Tananaj, ki reče, da je videl rečenu hćer Anice i da je videl, da su joj kravi ušle v žito rečenoga Gergi i da je videl, da su jale tamo rečeno žito i da je je van izignala. * U dan prvo rečeni pred županom Petrom Mohorićem i pred veće starejemi prituži se Franko Tananaj na Ivana Paćalata, da je rečeni Ivan Franka prosil, da kupi ovce, da mu oće za nje dat svoje verti pod kuću. Na drugu stran odgovaraše rečeni Ivan za te kordije, ne zna nig dare, da bi oni takov dogovor meju sobu činili. Razumevši počtovani oficij tužbu i odgovor jedne i druge strani, odlučiše, da rečeni Ivan imej priseć, da ni takov dogovor meju njimi učinjen sa vsaku pravicu. Franko pohvali, a Ivan apela pred g(ospo)d(i)na kapitana. U Veprincu 2. studenoga 1589. I. 12. Sud veprinački rješava parbu izmedju Gržana i izmedju Stjepana i Ivana Verdeža radi neke zemlje. Budući nika diferencija zrasla meju Geržanom i meju Stepanom i Ivanom Verdeži za volju nike zemlje, ka je pol stancij rečenih Ver deži, ku je bil prodal rečeni Geržan pokojnomu Verdežu, ku zemlju Franko Tananaj na kantu odkupi, ča je od rečenoga Benka, ča je toga bilo vsega libar 6 so(ldi) 5. I rečeni Franko opeta takovu zemlju da rova rečenom Geržanu, kako se punije meju njimi v škritu uderži. I tako na današnji dan prituži se rečeni Geržan pred oficij, da ti Ver deži posiljuju tu zemlju njegovu. Počtovani oficij, ne mogući njim drugačije pravice odlučit, pojdoše na lice deferencije i obnajđoše krivca rečene Verdeži, zač budući po pervo oficij hodil na takovu zemlju i bili stavili krizi meju njimi, kako se punije v sentencije uderži i zato na današnji dan oficij pritverdiše rečene krize i Geržana v poses postaviše kako i prvo, a Stepana osu diše vse špendije i mankamenti, ki su današnji dan učinjeni sa vsaku pravicu.
