VJESNIK 1. (ZAGREB, 1913.)
Strana - SVESKA 3. - 213
213 A što sam dal penez na gornicu pod Humom i okol Huma kmetom diversorum dominorum (kako se vu legi štromu najde), vsakomu njemu, ko je kuliko dužen, polovicu prikazujem ipso facto po moje smerti. A drugu polovicu da imaju na kloštar Remetince dati ili od polovice gornicu davati, doklam peneze povernu na rečeni klošter, ali kako se s fratri toga kloštra pogode. A kaj se dostoji plaće iliti budi resta, sužnjev, oružja, konj jahaćeh i kučiškeh, drugeh bedoviih 1 ), i drugo gibuće, to vse ostaje pri rukah moje hižne tovarušice, da ona čuva, ravna i gospodari momu i svomu sinu Janku, ako ja što na potlam od toga na reci ne razlučim. Na konec konca, ako ja i na potlam iz ove gore po pisane dispositiae komu što na reči ostavim i legujem pred dvemi ali tremi veruvanemi peršonami, to hoću da mesto ima i za dosta da se vučini najpotlanjemu razlučenju. Tomu momu razlučavanju i teštamentumu tutore i exe cutore ostavljam : Najpervo moju hižnu tovarušicu Mariu Jurhin do nje smerti, zatem kneza Pavla Rigjanca, k tomu gospodina biskupa, i gospodina prepušta kaptoloma zagre bečkoga, pater provinciališa reda svetoga Ferenca minoris observantiae, gospodina meštra vu ono vreme buduće. I za hvalno prosim vseh skupa za volju božju, da za dosta imate vuči niti ovomu mojemu teštamentumu i razlučenju polag dužnoga spoznanja. I ako bi jaz što po neznanju mojem vu koterom punctumu ali codicillusu dobro ne disponuval, što bi bilo na poteščicu duše moje, da slobodno pobolšate, kak se pravično bude videlo, i onako razlučite, kako bude go spodinu Bogu stvoritelu i odkupitelu momu na vekšu hvalu i diku i blažene device Marie vsagdar odičene poštenje i mene, i mojem gore imenuvanem i vsem vam na dužno zveličenje, a ne na skvarjenje. Amen. Actum in castello meo Kuzmincz, die tertia mensis martii, anno domini millesimo sexcentesimo septuagesimo primo. Ovo moje gore popisano razlučenje i teštamentum, ko teroga sam vu kaštelu mojem v Kuzmince vu letu 1671. x ) Bedevija == kobila beduinske (arapske) pasmine.
