VJESNIK 14. (ZAGREB, 1912)
Strana - 68
68 cuius resolutio pro voto tertio die variis et faecundis motivis regno persvadetur. Ad quam caesari nuntiandam 4 ablegati, ipsi nimirum consilii huius authores, deputantur, utpote dominus episcopus, comités Draskovich et Delisimunovich, et protonotarius, qui praeviis etiam litteris, suo duntaxat nomine ad Augustum datis, propositionem hanc per se inventam et post multas difficultates evictam, et propediem suae maiestati in ablegationis forma uberius referendam praedicant et gloriantur, id quod apud prudentes, et vel maxime Hungaros, magnas, uti merebatur, causavit considerationes. Tandem et ablegatio croatica comparet, praecurrente quidem comité Draskovich, sed domino episcopo et protonotario nonnisi 24. Aprilis subsequentibus, cum comité Dellisimunovich, qui adhuc circa confiniarias dispositiones occupatus remansisset. Hi cum magna gravitate, provinciam sibi concreditam magnae spei et circa regni gubernium mutationis pleni aggrediuntur, post accessum caesaris et imperatricum nonnisi paucissimis et per caesarem designatis ministris copiam sui facientes. Ubique cum summa respective dementia et aestimatione habiti et excepti, per ministros etiam ad mensam invitati, ut ea, quam attulerunt, successionis muliebris gemma immenso libertatum et concessionum thesauro ipsi regno vel statibus rependenda videretur, ex motivo scilicet et merito exempli, quod post Croatas ipsi etiam Hungariae status sperabantur amplexari. Mense Maio. Caetera utriusque ordinis ablegatis non satis ad votum cedebant negotia, nam et C. banum et omnes Hungariae status offenderant, quibus insciis illam successionem foemineam declaraverant, et eo magis contenu evadebant, quod aula id negotium apud status Hungariae vel non vellet vel non fideret promovere ; et novam disputationis materiam praebuerant per poenale aliquod statutum de non recurrendo ad diaetam recenter conditum, propter quod et in aliis instantiis in suspicionem trahebantur, acres oppositiones et exagitationes subinde perpessi. Augusto. Posonii in compillatione articulorum proceditur opinione lentius ; hinc multi tarn ex magnatum, quam regni-
