VJESNIK 12. (ZAGREB, 1910.)

Strana - 77

77 svedočastvo dobri i verovani ljudi, najprvo sudac Juraj Martešić, 2. Matij Gašparović, 3. Mikica Banić. Ja pop Štipan Desputić učinih rečeno pismo pravo i verno ni priložili ni odložih nego kako mi rekoše jedan i drugi nazoči pred njimi, kadi bihu obi sirani kuntenti i pred svedoki zgora pisanimi. Pisah, kako mi rekoše. Jedna bilješka na listu od god. 1620. latinskim slovima postrance zabilježena ne da se čitati, jer je iščarana. Druga bilješka od god. 1733. latinskim slovima glasi : 1733. na 31. marča učinili su pogodbu za bir Marušići i Barbarići, ka je bila zapisana na ovi list, a ni bila odrizana od Marušić niti plaćana, nego na današnji dan platili su zastanki i bir zapisali na Barbarie na kvadernu soldini deset, a od Marušić odpisali, kadi bihu nazoči stran jedna i druga. I to zapisah ja pop Matij Marušić, kanonik i kanciler grižanski na njihovu prošnju obih na oči. Glagolski original na papiru nalazi se u hrv. zemaljskom arhivu. Pečata nema. 21. U Bribiru 10. maja 1625. Jelena, udova Antona Kalafatića, kupuje mestište s pridvorima od Matije Zupanića. Va ime božje i dive Marije, amen. Let g(ospo)dnih od njegova spašenoga ro(j)stva 1625. na 10. dan miseca maja. Znano se čini vsim i vsakomu sadanjim i u napridak budućim, pred kih poštovanih ljudi bi potriba pokazati ovo pismo, kako va vrime zmožne i zveličene i milostive naše g(ospo)de, g(ospo)de grofov Zrinskih, g(ospo)dina Miklauša i g(ospo)dina Petra, a biše guvernatur u Bakru knez Martin Sandrić, porkulab u Bribiru knez Juraj Pipinić, sudac Mikula Dražić, kako ja udova Jelena Antona Kalafatića kupih u gradu mestišće i z pridvorim, ča ga pristoji i ča je rečenoga pridvorja meja, kako stoji škalnica, od Matija Zupanića za dukat 40, velim dukat četerdeset, vsaki dukat libar 6. Ko rečeno mestišće meji pod kućum mojum. I postavih rečeno mestišće na kanat po zakonu grada Bribira kantati nedilje 3 pred crikvum katridalum, ča je pred svetim Petrom. Na pervom kantu bi dan zamirni svedok Tomko Sušić, na drugom kantu bi da(n) Grgur Budić, na trefom kantu bi dan Mikula Lovrenčić i stekoše kanti i klici po zakonu grada Bribira i bi dan svistel od porkulaba Matij Ugrin, ki zapelja i zavede rečeno mestišće i ča k njemu pristoji rečenoj Jeleni, njoj i nje ostanku, vičnim zakonom. I ozva se rečeni Matij Zupanić plaćen i kun-