VJESNIK 12. (ZAGREB, 1910.)
Strana - 157
157 21. 1645. indicijon 13., na dan 2. aprila, budući v Kotarici (?) v kući Duminigi, hćere p. Pera Ditora, pred svedoci Antonom Kamara od Vicenci, kavaril od Karka, i Ivanom Karićem od Trga. Pred rečenimi svedoci budući (nedovršeno). 22. Redi p. Mikule Sparožića. V ime bžje i bžne divi Marije, amen, let Hva rojstva 1645., indicijon 13., na dan 8. novembra, (v) Varbnici v kući mane nodara pred svedoci Jurjem Cvetcićem i Barićem Cvetcićem. Pred rečenimi svedoci budući tu prežento pop Marko Pogoloto, ki rečeni prodaje redom p. Mikuli Sparožića, ča je sinu Mikuli (?) i Ivanu i hćeri Mari njega dei darmuna na Garici, s livelom, po štimi na njega dei lbr 40. Od kih pinez se oziva kuntenat i plaćen od rečenih za tih lbr 40., dajući njim poseg od rečenoga darmuna, da su voljni uživat, dat i prođi (= prodati) komu njim drago kako nji pravo blago, obligujući njih braniti pod obligacijon vsih njih dobar i cetera. I bi klicano po oficijali Ivani Sparožići na zakoni kaštela (v) Varbnici nedilje tri parve po rečenom štrumenti. 23. Tištament Matija Pipinića. V ime bžje i bžne divi Marije, amen, let Hva rojstva 1645., indicijon 13., na dan 6. maja, budući (v) Varbnici v kući mane nodara. Budući tu prisai Matij Pipinić, prošeci me, da mu pišem njega tištament, zač ga biše tukalo na galiju z druzimi ljudmi. I ne znajući časa ni ure, kadi mi se primiri semart i za to činim moj poslidnji tištament, neka doznaju moji, kih ostavljam. Najprija preporučam moju dušu gnu bu, 1 ) a telo ne znam komu preporučit, zač ne znam, bude f na zemlji ali na mori. Zato neka bude, kadi bude volja božija, i oću, da kada priđe glas istini od moje semarti, oću da mo(j) sin, koga pušćam moga reda, da mi se učini poštena služba na dan parvi i sedmi i na 40. i na godišće vse, kako je zakon varbanski. Pušćam mojemu sinu vse moje dobro stabilo i mobilo, ako bi se prigodila semart rečenomu momu sinu, ne budući dotiv činit svoga tištamenta, da je uživa moja žena, a po nje semarti da gre momu bratu i da su obligani činit mojej pokojnoj materi tri mise od kuventa tri leta. Paki pušćam mani mise tri od kuventa da 'maju dat za nje kapitulu tri ovce dobri. A onoga ulja da ga darži moj brat i da ča bude od njega, da dilita na pol s moju ženu. Ako ja ne bim prisai, da ako bi ča od njega bilo, da se da gospoji od Karmanji moj dei i da njoj se da 1 ovca za hranu. A tovoricu da ju guverna moj i = bogu.
