VJESNIK 12. (ZAGREB, 1910.)
Strana - 153
153 s livelom pšenice v kamaru, a drugi kus zemlje, kadi se zove „na rovoznici" pod zdencem, i zemlja, kaje nad z lavi, s livelom stga Marka deseto, po štimi jedno i drugo. Za ke prodaje podlaže rečeni Ivan Antonu njegova dobra, kadi bude drago rečenomu Antonu. Ke prodaje biše klicani po oficijali Mikuli Radivojići na zakoni kaštela Varbnika nedilje tri parve po rečenom štrumenti. 1644. na dan 24. ijuna referi Juraj Bolonić i Mikula Žoržić, rotnici od Varbnika, ka štimasta zgora rečene zemlje skupa obi dvi lbr 140. Ke pinezi brojih ja nodar rečenomu Ivanu i zdvigu rečene pinezi rečeni prodavač lbr 140 i oziva se kuntenat i plaćen pred svedoci sudcem Jurjem Bolonićem i Mikulu Zoržićem. 12. Pop Ivan Uravić. V ime bžje i bžne divi Marije, amen, let Hva rojstva 1644., indicijon 12., na dan 13. ijuna, budući v Dobrinji v kući popa Ivana Uravića. Budući tu prežento rečeni pop Ivan, sideći na svojej ka(n)tridi zdrav životom i pameti dobre čini prizvat mane nodara, da mu pišem njega kundicilij v žuntu svoga tištamenta, ki biše pisan miližna na 1639. na dan 29. sehtebra. Ki rečeni tištament hvalim razvi, Ča budem kasival na 'vom kundicili z rečenoga tištamenta. Najprija kasivam one zemlje, ke bih pustil mojemu bratu Franku, ča je Lukan i zemlja za guvnenu, i kasivam kuću, ku sam prodal, a kuću, ku sam kupil sada da z ote kuće ima se ovaršit one urdini, kako se udarži na tištamenti. 1 oću da mise, ke bih pustil popu Jurju Fugošiću na suknu i popu Mihovilu, ako ne bi bila toliko valjala rečena sukna, da se imata doplatit rečena popa, a to moji redi. I druge one mise, ke sam pustil, ako ne bi toliko valjali, da imaju platit, a ono, ča bih rekal, da sam pustil Matiju brajdi, nisu bili brajdi nego zemlja na seli. I kasivam redi, ki su na tištamenti, na mesto njih stavim za redi obitelj Katarini, hćere p. Fumice i obitelj nje brata Matija i moga brata Franka Uravića. I kasivam doli misal, ki bih pustil žaknu, sinu Mihovila Garžetića, a pušćam mu mekoticu pod Homutac, a pušćam misal sinu Ivanu Feretiću, ako bude pop. Pušćam mojemu bratu Franku mekoticu, ka je poli brajd Antona Mavrovića, kadi je hruši Runica. I pušćam dalg, ča mu bih posudu, ča bih počel kupovat od njega, lbr 7. 13. Pop Ivan Uravić. 1650., indicijon treti, na dan 26. maja, budući v Dobrinji v kući popa Ivana Uravića. Budući zdrav životom i pameti dobre čini svoj kundicilij v žuntu svoga tištamenta, ki biše pisan miližna na 1639. na 29. sehtebra. Ki rečeni tištament hvalim razvi ča budem kasal doli na 'vom kundiciliji. Najprija (ka)sivam doli one zemje,
