VJESNIK 12. (ZAGREB, 1910.)
Strana - 119
119 stabila lbr tisuće četiresta, mobila prez živini lbr 300, vola 2, kravi 4, živini male 30. A za nike deferencije, ke bihu meju redmi p. Štricana i redi p. Jurja Tan(ić)a, jesmo ih komodali, da nimaju veće jedan drugih nigdare moleštat ni pitat oni ni njih redi vaviki, zač smo ih mi muži satisvali za vse njih deferencije, platismo reda Štricana, da ne budu veće moleštani redi Tanovi (= Tanićevi). Pak odlučujemo, da ima stat Lucija v kući novoj pre(z) nijedne plaće, dokla učine aliti načine onu kuću, ka je početa zidat, da bude načinjena, kako jesu i oni dvi drugi, a da ima tratit za rečenu kuću vsi tri skupa, a kada ju načine, da je razdile, kako su i drugo blago razdilili na tri. Ako bi imel rečeni ke dalgi, da je imite vsi skupa tirat i platit. A mošunu i vart tu stavimo lbr. 60, a mirišće i vse, ča je bilo Bešićevo, lbr 90 i to njim ostavljamo, to vse, mošunu i mirišće vsim trim, da mogu reditat vsi na rečenih mestih. 1633. marča dan tri, budući v Dobrinji na placi pred svedoci, popom Gržanom Agnušićem i popom Frankom Škarpinićem i popom Petrom Frankovićem i vlastelinom podknežinom Pavlom, kancilirušem od Karka, budući tu rečeni svedoci i pred timi bi puplikana zgora rečena sentencija, budući zgora rečeni redi p. Tan(ić)a, ča je sin Ivan i Ivan Gardinić, zet rečenoga Tan(ić)a, i Lovrić Štarčić na istanciju Lucije, njih sestri, ki rečeni vsi pohvališe rečenu sentenciju pred zgora rečenimi svedoci i rečenimi albitri. Ja Andrij Tolanić, nodar puplik s oblastju presvitle gsdi benetačke, pisah i zneh iz moga protokola. 21. Va ime Ha, amen, na dan 6. decembra, indicijon 15., 1632. Budući v Dobrinji f kući u mene nodara i budući prošeni za to, ja Pero Tadilović, budući nodar i kanceler, i da im učinim pismo i štarment. Pri tom svedoci zvani i prošeni, pred Matijem Juršićem i spred Lovrićem Štarčićem i pred Jurjem Sučićem. Tu i spreda timi svedoci prižento Katarina, žena po. Ivana Gardovića, Ivanu Taniću, ka rečena Katarina jest prodala zgora rečenomu Ivanu Taniću jednu svoju zemlju oratju f kuntradi f Tribulah i s dohodkom s. Jeleni, a po ceni i va ime ceni za malih lbr 40, kako bi štimano po dobrih mužih i po rotnicih pratikih, Jurja Sučića i Tomića Gardovića, i jesu štimali tu prodav za malih lbr. 40, i svojimi kunfini, z bure i z juga komunada a z garbina ograda popa Ivana Uravića, s tarmuntani Ivana Tanića, sranjajući pravije kunfini. I ozva se kuntenta i plaćena do beča i da niš ne manka rečenoj Kati od rečenoga kupca, dadući njemu
