VJESNIK 12. (ZAGREB, 1910.)
Strana - 115
115 da ju primu k sebi, a telo materi zemlji, od kuda je prišlo, i oću da se pokopa moje telo v gradu v crikvi stga Štipana i da imaju dat moji redi rečenoj crikvi jednu kravu jalovicu za grob i teždano se čini, kako je zakon, i vase ostale službi i oficije, kako je zakon od kaštela Dobrinja, na dan parvi i treti i sedmi i na 30. i na 40. Paki reče rečena Agnija, da imaju njoj činiti vsim redovnikom obeda dva, a da imaju njim parićivat na mojem seli. Paki pušćam gospoji od ruzarija ovci 2, a gospoji na dno grada ovcu 1, a vsim svetim na Sužani ovci 2. Paki oću, da znaju moja obitelj, ča sam dala komu o njih, dah mojej hćeri Kati svit lbr. 110 i oću da se imaju naplatit moja ostala obitelj protu njoj toliko. Pušćam stoj Trojici ovcu 1, a stomu Antonu ovcu 1. Pušćam mojemu zetu ovcu 1, a mojej nevesti, ženi moga sina, ovcu 1, a hćeri moga brata ovcu 1 i pušćam njoj moju kotigu, ka je zelenim suknom, da imij stat u gospoje na dno grada dan 8. Paki pušćam mojemu sinu Ivanu jednu kravu, ku mu biše obećal otac za niku intradu, ku mu biše prijemal od nikih živin. A sada činim mojih redi vsu moju obitelj i pušćam njim vse moje dobro, stabilo i mobilo, ča ni komu imenovano, a s tim patom i načinom, da su mi obligani činit zvonjenji na moje godišće. do let 25, a pokojnomu mojemu mužu li zvonjenji na njega godišće do let 25 i da imaju dat kapitulu dobrinjskomu za mise Gargurovske za moju dušu lbr. 120, a to pušćam, to zvonjenji, ako ne bi oteli ovaršivat, da to plaća vse moje selo, i da je mozite na nje poseć rečeni kapitul i ovaršivat rečene zadušini, dokli se svarše. Paki zatim činim moje prokraduri zgora rečenoga mojega urdina poslidnjega, ki imaju providat za rečene urdini pod njih dušu, a to mojega brata Lovrića i Jurja Stipkovića i pušćam vsakomu od njiju 1 ovcu za njiju meriti. Paki činih prizvat dobrih i poštenih ljudi, ki budu za svedočastvo na ovom mojem posliđnjem urdini, a to po imeni Ivana Petranića, sina Matijeva, i njega brata Matija i Marko Čamčića, sina p. Antona, i Vida z Gerova, ki stase s mojim bratom Lovrićem, i Ivana Justinića. I molim vsaku gsdu 10 duhovnu i telesnu, pred kih priđe ovo moje odlučenje, da je pohvale i potvarde cica ljubavi boga vsemogućega. komu budi hvala i čast vaviki, amen. Ja Andrij Tolanić, nodar puplik s oblastju presvitle gsdi benetačke, pisah i zneh zgora rečeni tištament iz mojega protokola i bi znet pravo. 17. 1631. na dan 10. ijuna v kući Agni, ženi p. Tan(ić)a pred svedoci, Mikulu Derpićem, Ivan(om) Karžićem i manu nodarom, budući tu prežento rečena Agnija i nje sin Ivan i ta rečeni Ivan reče, da je kupil jednu kuću v Dobrinji od njega šuri Barića Uravića, da je 10 gospodu.
