VJESNIK 11. (ZAGREB, 1909.)

Strana - 112

112 — „A kaj pak, ma duša, nam hoće ostati, „ Da takvo imanje hoćemo razdati ! " — „Ne skrbi ti za to i ne plači za nje „Ar nas ni odvrglo još bečko imanje!" Ne opisavam nikaj, kako su hodili Kako li su s Turki neveru činili. Kada s Turkov dojde kleti Bukovački, Tako vesel postane gospodin Tržački. Ljudstvo počne diči suproti cesaru, Veren se činiti Zrinskomu i caru. Setujuć hitro v Čakovec do bana, Gde behu gospoda vu tolnač zebrana, Da neka previde, bude li kaj s toga, Što nam car obeća dobroga al zloga, Paka si načini pečat poglavarsku, S kum da bi podganjal gospodu horvatsku, S kum, ne znal, koga bi tam svoga poslah Ki bi cara volju znal i ljudstvu spričal, Tržački zakriknu, da on dobar bude, Da će vse pognati i dobre i hude. Kada zajde v Zagreb, zače poručati, S Kaptolom i varaš će li se podati. Kot mudri Gicero začne govoriti I z masnemi rečmi vse ljudstvo hiniti. „Bolje se je caru vsem z dobra podati, „Neg sramotu i kvar velik valuvati. „Z imanjem i glavum vse bude platiti, „Koji suprot caru bude hotel biti. „A kaj cesar ima? š čim bi se pobiti, ,,Š čim li bi se suprot sile mogel stati?" Na Brezovicu paka odonuda dojde, Da carove glasi vsi čuju i vide, Tam je takaj činil prodištva, Kontinom obraćajuć ljudstvo z rečjum ino silum. I bil je obrnul Pokupske vojvode, Da su moste zdigli preko Kupe vode. Kajti se bojahu zapovedi bana, Koja po Tržačkem bila je zavdana.