VJESNIK 11. (ZAGREB, 1909.)

Strana - 110

110 Vu takvu puntariju jesu opali I vu dobrom zla se dočakali. Pazete vi sada, ma vsa kolenja, Kot vas vleču na zlo vaša mišlenja, Ne dajte se v puntariju nit vu ku ciganiju, Boga hvalete, kralu verno služete, Ne slušajte u zlom ženu i nje hamaliju, Ne hlepte za blagom kot i za vragom, Čuvajte se vina, kak se u pismu ima, Ar po ženi, vinu i blagu, Po tom svet gine i šetuje k vragu. Ludsko pusti, čuvaj dobro tvoga, Živi s onim, kaj imaš od boga. Ovu imaš peldu vsigdar živu na gledu, Ki su ženi vlast dali i u blagu slast imali, V puntariju pali i sebe su čisto zakopali. Vsa onda svetska dika ide na kraj. Ki nju išće, ne dojđe u nebeski raj Nego ide kot dim u plamen, Bog nas greha varuj. Amen. Sic transit gloria mundi. Haec prognosis conscripta est Chaktorniae 1669 et per me descripta ex antiquo libro 1762. D. Serdocz m. pr. Cantio de Zrini Petro. Jesus, Marija, Joseph ! Gospoda prezmožna i ostali ljudi, Sad ćete videti, kak se svet pobludi ! 0 meštrija vražja i zlo dugovanje, Da to pisat moram, vzelo me je na nje. Ar šta ne be čuti od početka sveta To nam se pripeti sad ovoga leta, Kad se je pisalo jezero i šest sto 1 sedamdeseto, neka bude prokleto. Koje bi rad ovde da b' mogel spisati Z mojum mlahavostjum pred vse ljude dati, Gda se je spravljala nevera velika Pređi vnoga jalna toga sveta dika. Petra gospodina, viteza zabrana, U vojski junakov dobroga čuvara,