VJESNIK 11. (ZAGREB, 1909.)

Strana - 107

Povedal je glase kruto drage banu I vsu od vizira sebi moć obećanu. Onda su počeli med sobom govoriti, Grade i imanja kak će podeliti. Ban Zrini za se odredil ves orsag horvatski, Vse grade štajerske Frangepanu dali, Ali su od njega i njegovi otpali, Bukovačkomu Zelin pripitali I vnogo zlata k tomu primetali, Ćolniću dali ves grad Kerestinski. To je pripitala žena Kata Zrinski. Maleniću dali kneza Okić dvore, Ako drugih nima, po njih orat more. Ta vsa med se ovak razdeliše, K tomu u Čakovcu dobro vino piše. Grof Trsatski v Zagreb došel slugami, Kern je to naruči!

: „Kaj moreš, to vzami!" Z velikem veseljem njega neki dočekaše, Ar se ga od zdavnja nekoteri jako straše, Senatus je k njemu kruto rano došel, Z radostjum je prišel, a žalostjum je odišel, Njega su pitali, što činit moraju, Kak i pred druge svoje reči daju. On je odgovorit u velikoj zmožnosti : „K banu privržete, to vam naj bu dosti, „Njemu verni budete, njemu prisežete, „Za njegovo i carevo zdravje vino pijte. „On vas će braniti od vsa zla huda, „Nit ne bute imali više takva truda, ,.Ar smo mi vsa gospoda sad k caru privrgli, „Vsu obrambu v njega stalno jesmo vrgli, „On nas će braniti i držat u pravice, „Nit ne će u orsagu dat biti krivice. „Znate pak, ma gospoda, zač smo to včinili, „Da smo od cesara mi odstupili. „Bil nam se pogrozil Turčin svojum rukom, „Da će na nas vudriti z vsim svojim pukom. „Mi se toga strašili i cesaru pisali, „Naše bojazlivosti zroke pred njega dali, „Proseć i moleć, da nam da pomoći, „Da ves naš orsag za pomoć suze toči.