VJESNIK 11. (ZAGREB, 1909.)

Strana - 102

Vsi bi, to znam, rekli, da po bludu ženskom Peći se moraju vu ognju peklenskom. Anda tećka takva je skoro žena vsaka. Z jednum rečjum hoću vse dokonjati, A moram dalje pero prestirati, Proklet budi, ki vse ženi veruje I na ženski tolnač kot na psa ne pluje. Pred vas anda dati hoću se trsiti, Zrinski navuk pišuć, moju glavu triti. Gdo je zrok bludnosti, čuli ste i gori, Imenom povedat ću ga bolje doli. Nje ću takaj spisat, ki su vu tom bili, Za zdravlje cara ki su vino pili, Njemu bolje verni bili nego cesaru, Za takovu vernost vzemi caru paru. Ti stolac mudrosti, bože vsamogući, Njihove krivice ti me pisat vuči, Da polek pravice ne dobim ošpotnice, Da ne vrazim s perom poštuvane ptice, Ti pamet moja, dobra pajdašica, Ne budi vu mišljenju kakti oskrutnica, Da zakrivši oči, gledat ne će puta Nit se kakvoga hoće ognut kuta. Ti takajše, srce, ne hlepi mi dalko, Pred gospodu pojti da mi ne bu skalko, Naj mi ravna dar duha presvetoga, Vu žalosti i vsigdar krepitela moga. Tem vse bolje skupi, koj več ima, Če je prem pun blaga, za petlara se štima. Tak je bila Zrinska, horvatska banica, Na blago hlepeća kot ogrutna hotnica Al zgrabliva ptica, ka ne gledi bližna lica. Ova beše bogata srebrom i zlatom, Po svojem tolnaču ne bu niti z blatom. Što se god krivo od drugoga dobiva, Stanovito kruto do maloga vživa. Katica Zrinska, puntarska kralica, Pred malemi leti ne imala kinča gde vzeti,