VJESNIK 11. (ZAGREB, 1909.)
Strana - 7
7 dictorum castri Zomzedwara et castelli Alsostubycza pertinentiarumque eorundem introduceret, eoque juxta mandatum nostrum id facere et exequi volente, iidem Ambrosius literatus de Gregoryancz, Mathias Kerecheny de Kanyafewlde et Michael Konzky nec non domina Ursula de Meknycz partim praesentes, partim vero hujus intentionis et facti conscii ac participes eundem banum et gentes nostras cum illo existentes ab executione sibi demandata non solum violenta et armata manu contumaciter prohibuissent, verum etiam illos hostiliter invadendo et cedendo etiam repulissent, et vexillum nostrum regium Ulis ereptum, secum in praedictam arcem absportassent , ac per hoc contra nos ac dignitatem auctoritatemque nostram regiam graviter deliquissent. Nos licet pro tarn insigni eorum contumacia, gravique contra nos, dignitatemque et authoritatem nostram regiam delicto dictae arcis Zomzedwara et castelli Alsostubycza pertinentiarumque eorundem dimidietate praefatae dominae Ursulae Meknyczer viduae ac Cunigundae Mathiae Kerecheny et Annae Michaelis Konzky praefatorum consortibus, necnon puellis Marthae et Sophiae filiabus ejusdem dominae viduae adempta, fiscoque nostro regio applicata, contra personas quoque illorum et reliquorum praedictorum servato juris ordine procedere graviterque in eos animadvertere statuissemus, interveniente tarnen pro Ulis apud nos partim Serenissimi principis domini Caroli archiducis Austriae etc. fratris nostri charissimi diligenti intercessione, ac diversorum fidelium nostrorum humili supplicatione, partim vero ipsismet ad implorandam nostram gratiam crebrius ad nos confugientibus, nobisque supplicantibus, eisdem omnibus praedictis, capitibusque et bonis ac juribus illorum possessionariis, rebus item mobilibus universis ubivis in regnis nostris Hungariae et Sclavoniae existentibus habitis, moti pietate et dementia nostra imperiali et regia, qua delinquentibus veniam et lapsis sublevamen impertiri, jurisque et justitiae rigorem lenitate misericordiae temperare consvevimus, de et super praedeclarato illorum delicto gratiam nostram regiam duximus faciendam et impertiendam specialem, atque propterea omnem nostram et fisci nostri regii contra illos institutam et intentatam actionem, juridicumque processum annihilantes et cassantes, omnia quoque onera et gravamina, quae ex juridico sive per sententiam, sive aliter qualitercumque contra eos evenire et pronunciari potuissent, his ipsis ex speciali dementia nostra relaxantes et condonantes, eosdem a supradicto illorum crimine seu delicto plenarie relevamus, et absolutos pronunciamus, reddentes eos capaces omnium beneficiorum legis, omnibusque pristinis libertatibus, praerogativis et immunitatibus nobilitaribus restituentes, salvis tarnen conditionibus, in aliis specialibus literis nostris assecuratoriis, quas ipsis concessimus, nominatis et expressis. Imo facimus et impertimus, annihilamusque et cassamus, atque relaxamus, condonamus et absolvimus praesentium per vigorem. Quocirca vobis
