VJESNIK 9. (ZAGREB, 1907.)

Strana - 121

121 sunen handlung furgenomen, sy dahin bracht vnd mit grosser muee bewegt, das sy am sonntag iudica das geschlos Obernassenfuess von vnnsern hennden eingenomen vnnd am freytag darnach nach dem wiers ee nicht darzw bringen haben mugen, das sy vnss Sichelberg gegen niderlegung der fünf hundert gülden pfandtschilling vnd sechs hundert gülden reinisch ergetzlichait, laut e. mt. beuelh eingeanntwurt, das geschloss Sichelberg ganntz verwuest vnd vnerpawt gefunden. Nindert khain dach, die poden eingeprochen, in suma gantz zerrissen. Darinnen khain municion, sonndern newn hackenpuchsen, auch ganz nichts von hawss gérait gefunden. Nach sollicher einnembung haben wier von stundan die hervbergefallen Thurkhen vnndterzebringen angefanngen vnnd vnser raitung dahin gemacht, das wier auf dennen grundt vnnd hueben, so gen Sichelberg gehorundt vnnd gediennt, nit den halben tail vnndergepracht heten mugen werden, dan wier selbst nicht gemaint, das der hervbergefallnen souill waren, nemblich vber vierthalb hundert hawsser, in manigen hawss zu vier vnnd fünf brueder. So haben wier in ansechen der grossen zwitracht, so in Krabathen vnnd anndern landen ersteen, wo wier die annderst vnnderbringen haben wellen vnd sy zwfriden vnd ruee setzen, nach dem sy vnss tegklich nachgelofen nicht vmbgeen mugen, sonnder annder herschafft grundten, laut e. mt. beuehl, als hawbtmanschafft Metling landstrass auch im kloster daselbst zw vnnser frawen prun vnnd Pletriach angreifen muessen. Wiewol wir den beiden abbten geschriben, sich alher zw vnns zu uerfuegen, hat aber ir khainer khumen wollen. Nichts mynnder sein wier in solicher handlung verfaren, wie e. mt. beuelh vermag, die vnnderthannen von denselben grundten geurlaubt vnd die hervber gefallen darauf vnndergepracht. Soliches wolten wier e. mt. zw ainem vnderricht, ob die nochmals an e. mt. gelanngen wurden, e. mt. gegen innen Ordnung zw thuen vnnd furzunemben wissen, als vnnserm allergenedigisten hern in allervndetrhenigister gehorsamb nicht verhalten, der wier vns in allervnderthenigkhait thuen beuelhen. Datum Sichelberg, am lessten tag marcy anno im XXXIIII-sten. E. khn. mt. vnnderthenigist und gehorsamb dienner Hannss Buchler, oigmundt von Weichslberg, Erasm von Obretschan. 5 polja: Dem allerdurchleuchtigisten, grossmechtigisten fursten vnd herrn herrn Ferdinanden, römischen auch zw Hungernn vnd Behaimb khöning, infant in Hispanien, ertzhertzogen zw Osterreich etc. hertzogen zw ßurgundi, Steyr, Khernndten vnd Crain etc. marggraue zw Merherrn vnd graue zw Tiroll, allergenedigisten herrnn. Original. Sichelberg. IX. Godina 1534. U jednom podužem zapisu 0 Ivanu Pireu nalazi se ovaj stav 0 uskocima : Von wegen der hueben, so auf der herrn vnnd comissary hanndlung vnnd werbunng denn vsskhokhen eingeantwort worden sein sollen. Die röm. khun. mt. beuelhen Hannsen Pierschen seiner mt. verordennten comissarien hanndlung vnd Werbung stat ze thuen, ir mt. sprechen mit, das solich nutzung am pestanndt abgeen solle. Peruerter peuelich get auss zu Wienn, den vierdten october im XXXIIII. jar.