VJESNIK 9. (ZAGREB, 1907.)

Strana - 120

120 Allerdurchleuchtigister, grossmechtigister khoning, allergenedigister herr. E. khn. mt. etc. sein unnser vnnderthenig, schuldig vnnd pflichtig diennst in allervnnderthenigister gehorsamb berait. E. khn. mt. etc. beuelh, das datum stet Praag am zwaintzigisten tag verschinen monnats january, aussgangen an mich Hannsen Puchler, e. mt. Verwalter der obristen veldthaubtmanschafft der dreyer lanndt Steyer, Khernndten vnnd Crain lautundt. Darinnen e. mt. anzaigen, wellicher gestalt vnnd massen e. mt. mit Petern Khobaschitz, so negst ver­schinen, in namen auch anstat seiner mueter auch brueder bey e. mt. gewesst, Sichelberg halben beschlossen worden. Sey darauf nur e. mt. als Verwalter beuelhen, die mit verordennten comissarien auf ainen furderlichen tag zw be­schreiben, mit vnnderbringung der eenntsprungen vnnd dan ausstaillung der vnnderthannen, so auf grundten gen Sichelberg gehörig, gesessen sein auf ann­dere e. mt. lanndtleuten auss zaigt grundt vnnd in annderweeg laut e. mt. vor aussganngen beuelh vnnd comission hanndien vnnd verfaren sollen. Dieweill wier aber hiebey ain annder gewesst, hat vnns gedachter Verwalter solichen beuelh furtragen, dennselben also vnnderthenigklichen vernumen, vnns darauf beredt vnnd furgenumen, solichen beuelh gehorsamblichen zw geleben. Yedoch so mugen e. mt. genedigklichen erwegen, das solich hanndlung nicht in ainen tag in werkhung gepracht werden mag, sonnder vnns ain zeitlanng sawmben muessen, aber an vnnser vermugen nicht solliches auf vnnserm costen zw uol­bringen. Piten darauf, e. khn. mt. als vnnserm allergenedigisten herrn, e. mt. wollen vnns hierinnen gennedigklichen zum furderlichistnn bedennkhen vnnd zerung, es sey bey dem vitzthumb aufschlagen in Crain oder in annder weg, zu raichen, verschafen vnnd verordnen. Dan vnnsser khainnen gemaint sein will, mit ainer klainen anzahl pferdt gen Sichelberg, sonnder auf das sterkhist zu raiten vrsach der pawnen halber, das vnns von innen khain schimpf zuu­gefuegt wurde. Thuen vnnss darauf e. mt. in allervnnderthenigisten gehorsaimb beuelhen. Datum Laibach, den driten marcij anno etc. im XXXIII. E. khn. mt. vnnderthenig gehorsamb dienner Hanns Buchler, Sigmundt von Wechsiburg, Erasm von Obrotschan. 5 polja: Dem allerdurchleuchtigisten, grosmechtigisten fursten vnd herrn herrn Ferdinanden, romischen auch zu Hungern vnd Behaimb khonig, infant in Hispanien, ertzhertzogen zu Osterrreich, hertzogen zu Burgundi, Steyr, Khernndten vnd Crain, marggraue zu Merherrn, graue zu Tiroll vnnd Goris, vnnserm allergenedigisten herrn. Original. Tri pečata. Sichelberg. VIII. Žumberak, 31. marta 1534. Krajiški kapetani Hans Pichler, Zigmund Vajkslberg i Eraztno Obrečan javljaju kralju, da su Kobasićki isplatili ugovorenu svotu i ušli u Žumberak, ali su ga našli u zapuštenom stanju. Uskoka je toliki broj, da nisu svi mogli stati u grad. Allerdurchleuchtigister grossmechtigister khonig, allergenedigister herr. E. khn. mt. sein vnnser vnnderthenig schuldig vnd pflichtig diennst in allerunn­derthenigister gehorsamb berait. Auf e. khn. mt. villfeltig aussgangen beuelh haben wier abermals mit weillendt Johan Khobaschitz verlassne witib vnd iren

Next

/
Oldalképek
Tartalom