VJESNIK 9. (ZAGREB, 1907.)

Strana - 117

117 fr E. khn. mt. vndertanigist dienner Andre von Lamberg zu Rosnpuchl, landsuerweser, Wolfgang von Lamberg zu Schneperg riter, vitzthumb in Crain. S polja : Dem allerdurchleuchtigisten, grossmachtigisten furstn vnnd herrn herrn Ferdinanden, römischen, zu Hungarn vnd Beham khunigen, Infanten in Hispanien, ertzhertzogen zu Össterreich, hertzoge zu Burgund!, Steir, Khernten, Crain vnnd Wirtemberg, graue zu Tirol vnd Gerz, vnnsern allergenedigisten herrn. Original. Sichelberg. IV. Septembar 1533. godine. Uskočke vojvode opisuju kralju, kako se nalaze pod vedrim nebom sa svim uskocima i mole, da im se odredi mesto, gde će se nastaniti. Allerdurchleichtigister, gross machtigister kunig, allergenedigister herr. Eur kn. mt. geben wir mit dem allervnderthenigisten zu uernemen, das wir vmb cristliches namens wegen, auch e. kn. zu eeren vnd vff ettliche haubtleut zuesagen vnd Vertröstung, das vns e. kn. mt. dergleichen prouision, so wir von dem Turckhen gehabt, auch raichen vnnd geben wollen, aus derselben türkischen orttfleckhen gethan für uns und vnnser weib vnd kinder ain frey erdrich einzugeben e. kn. mt. allergenedigist vertröst. Wie wir dan von e. kn. mt. zubeschechenn noch auf heut allervnderthenigisten vnd vngezweifelten zuuersicht vnnd hoffnung sein. Vnnd darumben haben wir e. kn. mt. als vnnserm allergenedigisten herrn, dem wir vnnsern trawen vnd glauben zuegesagt vnd wie gotwais wir vnd vnser kinder in ewig zeit vesstigclich halltenn vnd darauf ziechen wollen, mit merckhlichen grossen vncosten vnd nun zum vierten mall an derselben hochlöblichem houe besuecht, vnnser armuet zum dickhermall, wie wir auch sambt allem vnnserm gesinde vnd furnemblich der ain tausennt khnechten, so wir e. kn. mt. zu eeren vnd zue notturfft halten vnd vns nur der clarn himel vnd der plossen erden betragen muessen, nach lenngs angezaigt, vnnd darüber genedigistes beschaids begert, der vns aber bisher von e. kn. mt. nit gedencken noch erlanngen mögen. Das vns, wie e. kn. mt. allergenedigist zu erwegen hat mit dem höchsten beschwarlich vnnd zwingt vns die gros not dahin, dweil vns der wintter anrugkenn, vnnser weib, kind vnd khnecht nit versechenn sonder bschaid wegzuziehen. Dauor vns e. kn. mt. kan vnd mag auch bschaidd vor dem herrn Corneiio, welchermassen die landschafft in Crain vnnsernthalben mit ime gehandelt, solches e. kn. mt. anzuzaigen vernemen. Ist derhalben an e. kn. mt. vnnser vnderthenigist vmb gottes willen bitt, in bedacht, das wir vns vnd vff das beschechen zuesagen vnder e. kn. mt. gethann vnnd das der wintter vor äugen vnnd kain haimwesen haben, noch mit ainem erdtrich, darauff wir vns zu erhallten heften, versechen. Wollen vns mit der zuegesagten verprouision allergenedigist versechen vnnd ain erdrich, darauf wir vnnser auffenthallt suechen vnd gehaben sollen vnd mugen, allergenedigiste Verordnung thun. Wie wir vns dann zu e. kn. mt. genntzlich vertrösten vnd zu beschechen verhoffen. Dargegen sey wir vrputtig e. kn. mt. vnngespart vnnsers leibs vnnd vermögen wider derselben veint vnd widerver-