VJESNIK 7. (ZAGREB, 1905.)
Strana - 184
184 alia plurima facinora, per eum in regno nostro Sclavoniae perpetrata, quodque ad hunc diem partes Joannis de Zapolya pertinacissime est secutus, ab eoque nulla ratione avelli potuit, unde etiam per nos ac dominos barones, totumque regnum nota infidelitatis perpetuae ac crimine laesae maiestatis in proxima congregatione generali pro felici coronatione Albae celebrata publice est condcmnatus, sed neque àd quintum decimum diem festi beati Martini episcopi iam praeteritum coram nobis ad praestandam obedientiam comparere voluit, ad nos, consequenterque collationem nostram regiam iuxta antiquam et approbatam regni nostri Hungariae consvetudinem atque legem rite et legitime devoluta esse perhibentur et redacta, simul cum cunctis earundem utilitatibus et pertinentiis quibuslibet etc. terris etc. memorato Valentino Therek, suisque heredibus et posteritatibus universis dedimus, donavimus et contulimus, imo damus, donamus et conferimus iure perpetuo et irrevocabiliter tenendas, possidendas pariter et habendas, salvo iure alieno, harum nostrarum vigore et testimonio literarum mediante, quas nos in formam privilegij nostri redigi faciemus, dum nobis in specie fuerint reportatae. Datum Strigonii in festo beati Andreae apostoli, anno domini millesimo quingentesimo vigesimo septimo. Regnorum nostrorum Hungariae et Bohemiae etc. praedictorum anno primo. Ferdinandus. T. d. r. s. tom. I. pag. 1. — Lib. reg. tom. I. p. 13. VI. /527. decembra 1. u Ostrogonu. Kralj Ferdinand daruje kraljici Ani grad Viroviticu, koju je pristaša Ivana Zapolje, Ivan Banffy od Alsôlindve radi nevjere izgubio. Nos Ferdinandus etc. Anno domini millesimo quingentesimo vigesimo septimo, Strigonii die Dominico proximo post festum beati Andreae apostoli datae sunt literae manu propria regiae maiestatis subscriptae, quibus mediantibus maiestas sua Castrum Werewcze vocatum, ac curiam nobihtarem in possessione Posahegye vocata, omnino in comitatu de Werewcze, simul cum omnibus eiusdem castri et curiae nobilitaris oppidis, villis, possessionibus, portionibusque, et quibuslibet iuribus possessionariis, ubivis tam in praedicto Werewcze, quam aliis comitalibus regni nostri existentibus habitis, ad eadem de iure et ab antiquo spectantibus et pertinere debentibus, quae magnifici Joannis Banffy de Alsolyndva praefuissent, sed ex eo, quod idem immemor suae, quam maiestati suae, et sacrae coronae Hungariae debebat fidelitatis, Joanni de Zapolya adhaesisse, partesque ipsius fovere, ac ad quintum decimum diem, quem ex deliberatione universorum dominorum baronum et regnicolarum in proxime praeterita diaeta Albae congregatorum, ei ad praestandam fidelitatem praefixerant, comparere noluit, serenissimae dominae Annae reginae ipsiusque haeredibus et posteritatibus universis contulit, salvo iure alieno. T. d. r. s. tom. I. pag. 2. — Lib. reg. tom. I. p. 16.
