VJESTNIK 6. (ZAGREB, 1904)

Strana - 120

120 IX. 1111. die 29. mensis ianuarii. Nos capitulum ecclesiae segniensis memoriae commendamus, quibus expedit, omnibus qualiter perillustris ac magnificus dominus Paulus Ritter, eques auratus et georgianus, sacratissimae caesareae regiaeque Maiestatis conciliarius aulicus, die 29. mensis maii, anni 1702. nostram personaliter veniens in praesentiam, exhibuit et praesentavit nobis duo benignae Leopoldi gloriosae reminiscentiae imperatoris et regis augustissimi domini domini nostri clementissimi mandata, de dato Ebersdorffii die 15. mensis septembris, anni 1701. Unum quidem compulsorium, aliud patens : Universis dominis praelatis, praepositis, lectoribus, cantoribus, custodibus, caeterisque ecclesiarum zagrabiensis, chasmensis, segniensis, noviensis ac aliorum etiam quorumvis capitulorum et conventuum canonicis ; proceribus item nobilibus liberarum ac regiarum civitatum, oppidorum et quarumcunque comitatuum iudicibus, rectoribus, magistratibus et incolis, per Croatiae, Slavoniaeque regna existentibus, firmiter committens et mandans: ut, quandoquidem altedicta sua Maiestas praefato domino equiti Paulo Ritter certa negotia suae caesareo-regiae Maiestatis et sacratissimae regni Hungariae commodum tangentia et concernentia, peragenda riteque perficienda, ac simul necessarias etiam inquisitiones clementissime commiserit, eidem domino equiti, velut deputato hoc in passu suae Maiestatis expresso, quidquid in conservatoriis nostris notitiarum, iura praefatae sacrae règni Hungariae coronae, aut regni Croatiae limites tangentia haberemus, et haec inter capitularia, conventualia vel civica aut oppidana acta, signaturas et protocolla, vel in privatis apud familias conservatoriis reperiri possent, prompte et sine omni excusatione communicare ac ea omnia quae praedeclaratum servitium suae Maiestatis, vel praelibatae sacrae coronae commodum et emolumentum tangere et concernere comperirentur, experiri, excerpi et extrahi facere, eidem permitere; non minus etiam in instituendis praeattactis inquisitionibus (ubi peragendas fore iudicaverit) testimonia nostra fide digna exmittere, prompteque et fidelem operam eidem praebere, modis omnibus debebamus et tenebamur prouti etiam rite debiteque ac fideliter fecimus, permisimus ac praestitimus : memoratusque dominus eques archivum nostrum Universum in sacristia nostra, nobis quibusdam assistentibus, per dies aliquot foliatim perlustravit, et quae ipsi videbantur, habita originalium literarum instrumentorum copia, in hospitio suo commodius excerpsit, sibique annotavit. Deinde vero admodum reverendissimum dominum Wolffgangum Vlatkovich, fratrem canonicum cancellariumque nostrum, hominem pro testimonio nostro fide dignum, penes egregium dominum Antonium Ritter, hominem regium, eidem dedimus; quibus cum testibus apud nonnullos in hac libéra regia civitate residentes nobiles iuxta munus suum inquisitiones peregit. Hincque assumptis iisdem testimoniis, mari profectus, primum in oppido Novi, tum illius ecclesiae capituli conservatorium revidit, cum a populi senioribus ea, quae sibi incumbebant, diligenter inquisivit et observavit. Prout similiter inde profectus et in oppido buccharensi, apud illud collégiale capitulum et seniores peregit. Accessit postea Tersactum et tarn apud loci parochum de praemissis sibi commissis indagavit, quam et monasterii illic celeberrimi universorum monumentorum et literarum copiam habens cuncta dilligcnter inspexit,