VJESTNIK 5. (ZAGREB, 1903)
Strana - 4
4 Valuje da je Vaidovka prava copernica i da je ona letala i Šnjimi hodila, i da je mast imala i da ju je ona videla, i da je pri kervavom mostu pred Božićem bila i z Vajdovkum i z ostalemi drugemi i to je vu dne bilo po polne i ondek su jele nekai, ali se nikomu pravičnomu nedadu videti, hoc addito da je ona bila kapitanica. Nadalje veli, kada ju je Sabolica vabila pod oblast vražju, tak je je govorila, hodi ti med nas i Jurjeva je žena med nami. A to valuje, da je nigdar ne videla lećuć niti hodeć z copernicami, nego samo što je čula od Sabolice. Item mesarica je govorila pred tamnicum, ne povedaj na vsaku. Veli da kada človeku na telu škode, tako veli da mu serce zpuknu i veli da se nigdar ne more zvračiti. I veli da one dece, kaiti roditeli proklinjaju, nete ih vre, kada kam pošiljaju decu ali po vuliceh ali kam, najbolje i najberže vzemu i naškode. Veli, da se more copernica poznati, ka negledi pravo po ljude i na čelu peču poklapeći nosi. Nadalje veli, da neznaju copernice jedna od druge, kaj čini, nego kada su skupa vu zpravišću; i veli, da ne nigdar sacram hostiam vukrala niti nezna do nijedne, da bi vukrala, akoli i je koja takova, da to drugem ne znano. Da pečat more poznati, ar veli da kerv neće iti, kade ju bode, niti je ne boli, i veli da ju većkrat more zapečatiti et quod diabolus specialiter solet obsigilare in dorso et s. h. membre Dalje veli, da vrag neće svoga imena povedati, nego se z gospodarom preverže i onak šnjum zgreŠi. Nadalje veli, da nigdar človeku, koj ima svetstva pri sebe nemore naškoditi nijedna copernica. Présente me Georgio Porta substituto notario m. p. Me quoque Joanne Khayll exmisso et capitaneo prémisse civitatis m. p. XIII. 1699. 6. ožujka. Nastavak preslušanja Katarine Tinodi. Anno eodem die vero 6-ta mensis Martii ibidem et coram nobis infrascriptis exmissis continuata torturalis examinatio suprascriptae Catharinae Tinody Vaidovkae sic dictae. Quae continuanter per quinque horas torturae imposita tandem fassa est, se esse manifestam sagam. Et hoc expresse, da je veli ne vrag dal pervo povedati, i veli da sama pravo nezna, kuliko je let copernica, nego veli da jedno okolu deset leth. I veli da je došla na križeputje pri špitalu varaškom i da se je onder veter zvil i onde ju jesu vuzele i onak su ju na goru odnesle na Medvednicu. Potlam se je na jedno dve lette vragu zapisala na gori Medvednici. I da se je item zavezala, da hoće njegova biti i njegove zapovedi obveršavati. Veli da je bila nazoči onde, da se vragu zapisavala Hlebarka. Item ktalčevica Radichka. Item nje sestra, mesara Jakopa žena. Item Czindeka šoštarica jedno tri letta, i veli da su ju onde vzele na križeputju pri nje hiže. Vu Ternju Komjaka Mihalja žena. Na Harmici stara Juliška udovica, ona vre zdavnja med nimi.
