VJESTNIK 5. (ZAGREB, 1903)
Strana - 7
7 bila, i da je jedno dva puta vu snu onak nekam odišla. I veli da se je malo pervo vragu zapisala, da je Sabolica vino kerčmarila, i to veli da je skorom letto. I to veli, da se je ztem zavezom vragu zapisala i z dužum zavezala, da hoće njemu služiti i z drugemi copernicami letati i kvar delati, kako i druge. Da se vragu zapisala veli, da je je vrag obečal, da je hoće služiti i dosta blaga dati. I veli, da je vrag z njum barat imal, kada su jenkrat na Medvednice bile." Kada je letala, veli da je je Sabolica masti davala, kaj si je ona zela, i veli da nema poklam masti poklam je Sabolica vumerla. I veli, da je z ljudi mast kuhala, i ljude na smetišću na križeputju jemlju i onak vu mladu nedelju, i zataje Boga i blaženu djevicu Mariju i sveto Trojstvo, i onak suprot Bogu govore, ali je onde vrag poleg vsigdar. I veli, da ima prave takove coperne masti doma vu svoje ladice vu lončičku jednom. Da nigdar ne bila nego samo dva puta š nimi i jeden put na Okichnice i drugoč na Okichnice, i veli da onde plešu, goste se i jedu s. h. ficus i ostala odurna dugovanja, i kak kokot zapopeva da se taki razidju i da se vse zmuče onak lećuć. Hasne pako suprot copernicam sveta voda, sol sveta i da svetoga Ivana blagoslov vserne človek da mu nikaj nemogu, i kada svetstva ima pri sebe nigdar nikaj ne mogu vučiniti. Nadalje veli, da je Hlebarka prava copernica. Item Hanszlina kramara hižarica Mara na maroffu, ona je očivesta copernica. (Mane quoque revocavit). Item pri svetom Duhu Jakopinichka. Item Mattek Maydak i ženum vu Vilicze polag Špoljarskeh vertov koj stoji (et hunc postea revocavit una cum uxore). Item mesaričina sestra ktalchevica (tandem sua sponte revelavit). Item mesarica, ona je takai prava copernica i da je snjum na Okičnice bila. Item z Nove Vesi Jelica, koja Vertulika ima. (Revocavit). Item z Nove "Vesi Bara udovica, ka je zvonara svetoga Ivana imala. Item z Vlaške Vulice Jelica, ka pod biškupovem maroffom stoji i onde s putrom kuntinom terži (hane revocavit). Item Szirkovicza z Verhovec. Item Mikulcheva žena, za koju se Peršin poruk našel, imenom Jelica. Interrogata de Marolichka, Guliska et de Pauli Bergudin vidua, et Mathia mesar, et in Ljubljanica praebendari Petri colonissa, dicit se non scire, nec esse sagas. Item Dora, koja pri Juriniću kanoniku služi i ona je prava copernica. In manibus justitiae existenti diabolus nihil potest prodesse nec juvare eandem. Vu Ternju Grisichka katana udovica i ona je prava copernica. Item stara Škvarićka Jelica pri Profetkinom zetu je na stanu, i ona je prava copernica. Item Sekulina žena, i ona je prava copernica.
